ຕາມຂ່າວ CRI ລາຍງານວ່າ, ກອງປະຊຸມສະມັດຊາລັດຖະສະພາລະຫວ່າງຊາດອາຊຽນ ຫຼື ໄອປາ ຄັ້ງທີ 35 ໄຂຂື້ນຢ່າງເປັນທາງການໃນຕອນເຊົ້າວັນທີ 16 ກັນຍານີ້ທີ່ນະຄອນຫຼວງວຽງຈັນ ພາຍໃຕ້ຄຳຂວັນ "ປັບປຸງການຮ່ວມມື ລັດຖະສະພາໃຫ້ເຂັ້ມແຂງ ເພື່ອສ້າງປະຊາຄົມອາຊຽນ" ໂດຍມີ ຄະນະຜູ້ແທນ ສະມາຊິກໄອປາ, ຄະນະຜູ້ແທນປະເທດສັງເກດການເຊັ່ນຈີນ, ຍີ່ປຸ່ນ,ແລະ ສ ເກົາຫຼີເຂົ້າຮ່ວມ.
ທ່ານ ນາງ ປານີ ຢາທໍ້ຕູ້, ປະທານ ສະພາແຫ່ງຊາດ ທັງເປັນປະທານສະມັດຊາລັດຖະສະ ພາລະຫວ່າງຊາດອາຊຽນ ແລະ ທ່ານ ທອງສິງ ທຳມະວົງ, ນາຍົກລັດຖະມົນຕີແຫ່ງ ສປປ ລາວຕ່າງກໍໄດ້ຂຶ້ນກ່າວຄຳປາໄສໃນພິທີເປີດກອງປະຊຸມຄັ້ງນີ້.
ສະມັດຊາລັດຖະສະພາລະຫວ່າງຊາດອາຊຽນແມ່ນ 5 ປະເທດອາຊຽນຄື ອິນໂດເນເຊຍ, ມາເລເຊຍ, ຟີລິບປິນ,ໄທ ແລະສິງກະໂປພ້ອມກັນສ້າງຕັ້ງຂຶ້ນເມື່ອປີ 1977, ໄດ້ຈັດກອງປະຊຸມຄັ້ງທຳອິດເມື່ອປີ 1978 ຢູ່ສິງກະໂປ. ຫຼັງຈາກນັ້ນ, ຫວຽດນາມ, ລາວ, ກຳປູເຈຍ, ບຣູໄນແລະມຽນມາກໍໄດ້ເຂົ້າເປັນສະມາຊິກອົງການດັ່ງກ່າວນີ້.