ຕາມຂ່າວ CRI: ໂດຍປະເຊີນໜ້າກັບການລົງໂທດຂອງສະຫະພາບເອີລົບ, ວັນທີ 15 ກັນຍານີ້, ຣັດເຊຍກ່າວວ່າ, ຈະໃຊ້ມາດຕະການຫຼາຍກວ່າເກົ່າ ເພື່ອຮັກສາຜົນປະໂຫຍດຂອງປະເທດຕົນ, ສ່ວນມາເຊໂດນີແລະແຊັກບີ ມົງເຕເນໂກຼ ກ່າວວ່າ ຈະບໍ່ເຂົ້າຮ່ວມການລົງໂທດຕໍ່ຣັດເຊຍ.
ວັນທີ 15 ກັນຍານີ້, ສຳນັກງານເຄື່ອນໄຫວຕໍ່ພາຍນອກຂອງສະຫະພາບເອີລົບໄດ້ຕຳນິຣັດເຊຍທີ່ຂົນສົ່ງວັດຖຸມະນຸດສະທຳໃຫ້ອູແກຼນເປັນເທື່ອທີສອງ, ໂດຍກ່າວວ່າ ຂະບວນການຂົນສົ່ງແມ່ນ ຜິດກົດໝາຍ. ມື້ດຽວກັນ, ສຳນັກງານເຄື່ອນໄຫວຕໍ່ພາຍນອກອອກຖະແຫຼງການວ່າ, ການກະທຳດັ່ງກ່າວຂອງຣັດເຊຍບໍ່ໄດ້ຮັບຄວາມເຫັນດີແລະການກວດກາຈາກເຈົ້າໜ້າທີ່ອູແກຼນ, ບໍ່ໄດ້ເຄົາລົບຫຼັກມາດຖານແຫ່ງມະນຸດສະທຳສາກົນ, ແລະໄດ້ທຳລາຍຜືນແຜ່ນດິນອັນຄົບຖ້ວນແລະອະທິປະໄຕຂອງອູແກຼນ.
ມື້ດຽວກັນ, ທ່ານວຼາດີເມຍ ປູຕິນ, ປະທານາທິບໍດີຣັດເຊຍໄດ້ລົມຜ່ານທາງໂທລະສັບກັບທ່ານນາງອັນເຈີລາ ເມີແຄວ, ນາຍົກລັດຖະມົນຕີເຢຍລະມານແລະທ່ານໂຈເຊ ມັນເນວ ດູຣາວ ບາໂຣໂຊ, ປະທານຄະນະກຳມະການສະຫະພາບເອີລົບ, ອີງຕາມສັນຍາທີ່ເຊັນໃນການເຈລະຈາລະດັບລັດຖະມົນຕີ 3 ຝ່າຍ ຣັດເຊຍ, ສະຫະພາບເອີຣົບແລະອູແກຼນໃນວັນທີ 12 ກັນຍານີ້, ເວລາທີ່ມີຜົນສັກສິດຂອງສັນຍາລະຫວ່າງອູແກຼນກັບປະເທດພົວພັນສະຫະພາບເອີລົບຈະຖືກເລື່ອນໄປຮອດວັນທີ 1 ມັງກອນປີ 2016, ເຊິ່ງທ່ານປູຕິນກັບທ່ານນາງເມີແຄວ ສະແດງຄວາມເພີງພໍໃຈໃນເລື່ອງນີ້.
 |
