ວັນທີ 15 ກັນຍານີ້, ໃນເວລາເຂົ້າຮ່ວມເວທີປຶກສາຫາລືກ່ຽວກັບລິຂະສິດສາກົນຈີນຄັ້ງທີ 5 ຢູ່ນະຄອນເສີງຕູ່ຂອງຈີນ, ທ່ານນາງຫວາງປິ່ນຢີງ, ຮອງຜູ້ອໍານວຍການໃຫຍ່ອົງການສິດຊັບສິນທາງປັນຍາໂລກ ຫຼື WIPO ກ່າວວ່າ, ລະດັບລິຂະສິດແລະລະດັບການປ້ອງກັນລິຂະສິດຂອງຈີນບໍ່ດ້ອຍກວ່າປະເທດທີ່ພັດທະນາ ແລະໃນບັນດາປະເທດທີ່ກໍາລັງພັດທະນາກໍມີສີສັນພິເສດຂອງຕົນ, ທ່ານນາງເຊື່ອໝັ້ນວ່າ, ໃນອະນາຄົດ, ວຽກງານລິຂະສິດຂອງຈີນຈະພັດທະນາດີຂຶ້ນກວ່າເກົ່າ.
ທ່ານນາງ ຫວາງປິ່ນຢີງ ກ່າວວ່າ, ໃນຊຸມປີມໍ່ໆມານີ້, ວຽກງານລິຂະສິດຂອງຈີນໄດ້ພັດທະນາຢ່າງວ່ອງໄວ, ຈີນບໍ່ພຽງແຕ່ໄດ້ດັດແກ້ກົດໝາຍວ່າດ້ວຍລິຂະສິດແຫ່ງ ສປ ຈີນ ສອງຄັ້ງພາຍໃນ 10 ປີ ແລະຈີນໄດ້ເຂົ້າເປັນພາຄີຂອງສອງສົນທິສັນຍາ 2 ສະບັບຂອງ WIPO ເທົ່ານັ້ນ, ຍັງໄດ້ເຊັນສົນທິສັນຍາປັກກິ່ງວ່າດ້ວຍສິດຊັບສິນທາງປັນຍາໃນດ້ານການສະແດງ ທີ່ມີຄວາມສໍາຄັນທີ່ສຸດໃນປີ 2012 ອີກ. ເຖິງວ່າຈີນໄດ້ເລີ່ມດໍາເນີນການປ້ອງກັນລິຂະສິດລຸນຫຼັງ, ແຕ່ໃຊ້ເວລາພຽງ 30 ປີເທົ່ານັ້ນ ກໍໄດ້ສໍາເລັດວຽກງານທີ່ປະເທດອື່ນໄດ້ໃຊ້ເວລາຫຼາຍຮ້ອຍປີແລ້ວ.
