ຕອນເຊົ້າວັນທີ 16 ກັນຍານີ້, ງານວາງສະແດງສິນຄ້າຈີນ-ອາຊຽນຄັ້ງທີ 11 ແລະກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ 11 ທີ່ຈັດຮ່ວມກັນໂດຍຈີນແລະ 10 ປະເທດອາຊຽນຮ່ວມກັນ ໄດ້ໄຂຂຶ້ນຢູ່ນະຄອນນານນິງ, ເຂດປົກຄອງຕົນເອງເຜົ່າຈວ້ງກວາງຊີຂອງຈີນ, ເລີ່ມແຕ່ງານວາງສະແດງແລະກອງປະຊຸມສຸດຍອດຄັ້ງນີ້ເປັນຕົ້ນໄປ ຈະເນັ້ນໃສ່ຫົວຂໍ້ຫຼັກຄື "ຮ່ວມກັນສ້າງເສັ້ນທາງສາຍໄໝທາງທະເລສະຕະວັດທີ 21".
ທ່ານຈ່າງກ່າວລີ້, ຮອງນາຍົກລັດຖະມົນຕີຈີນໄດ້ເຂົ້າຮ່ວມ ແລະກ່າວຄໍາປາໄສໃນພິທີໄຂກອງປະຊຸມສຸດຍອດຄັ້ງນີ້. ທ່ານບຸນຍັງ ວໍລະຈິດ, ຮອງປະທານປະເທດລາວ, ທ່ານລີຊຽນລຸງ, ນາຍົກລັດຖະມົນຕີສິງກະໂປ, ທ່ານຮຸນແຊນ, ນາຍົກລັດຖະມົນຕີກໍາປູເຈຍ, ທ່ານນຽນ ຕູນ, ຮອງປະທານາທິບໍດີມຽນມາ, ທ່ານທະນາສັກ ປະຕິມາປຣະກອນ, ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດໄທ, ທ່ານຟາມບິງມິງ, ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມ ກໍໄດ້ເຂົ້າຮ່ວມແລະກ່າວຄໍາປາໄສໃນພິທີໄຂກອງປະຊຸມຄັ້ງນີ້ເຊັ່ນກັນ.