ຕອນບ່າຍວັນທີ 16 ກັນຍານີ້, ເວທີປຶກສາຫາລືກ່ຽວກັບການພັດທະນາກົນຈັກກະສິກໍາຈີນ-ອາຊຽນຄັ້ງປະຖົມມະເລີກ ແລະເວທີປຶກສາຫາລືກ່ຽວກັບການພັດທະນາເສດຖະກິດແບບໝູນວຽນດ້ານກະສິກໍາຈີນ-ອາຊຽນຄັ້ງປະຖົມມະເລີກ ໄດ້ຈັດຂຶ້ນຢູ່ນະຄອນນານນິງ, ເຂດປົກຄອງຕົນເອງເຜົ່າຈ້ວງກວາງຊີຂອງຈີນ.
ເວທີີປຶກສາຫາລືຄັ້ງນີ້ມີຫົວຂໍ້ຫຼັກ ຄື "ການຮ່ວມມື, ການປະດິດຄິດສ້າງໃໝ່ ແລະການພັດທະນາ"ເຊິ່ງມີເຈົ້າໜ້າທີ່ 400 ກວ່າທ່ານທີ່ມາຈາກກະຊວງກະສິກໍາຈີນ, ອົງການປົກຄອງເຂດປົກຄອງຕົນເອງເຜົ່າຈ້ວງກວາງຊີຂອງຈີນ, ຄະນະກໍາມະການການພັດທະນາແລະການປະຕິຮູບແຫ່ງຊາດຈີນ, ລັດຖະບານລາວ, ຫວຽດນາມ, ອິນໂດເນເຊຍ, ກໍາປູເຈຍ, ມາເລເຊຍ ແລະປະເທດອື່ນໆ ໄດ້ເຂົ້າຮ່ວມເວທີປຶກສາຫາລືຄັ້ງນີ້ ໂດຍໄດ້ຄົ້ນຄວ້າແລະປຶກສາຫາລືກ່ຽວກັບຫົວຂໍ້ຕ່າງໆ ເຊັ່ນ ການພັດທະນາການຮ່ວມມືແລະການເຊື່ອມໂຍງເຂົ້າກັນຂອງພາກພື້ນຈີນ-ອາຊຽນໃນດ້ານກົນຈັກກະສິກໍາ, ກົນຈັກກະສິກໍາທີ່ປະຢັດພະລັງງານແລະຮັກສາສິ່ງແວດລ້ອມ, ການວາງແຜນການກ່ຽວກັບວິສາຫະກິດເສດຖະກິດແບບໝູນວຽນດ້ານກະສິກໍາ ແລະອື່ນໆ.
ນອກນີ້, ຝ່າຍຈັດເວທີປຶກສາຫາລືຄັ້ງນີ້ຍັງໄດ້ຈັດຕັ້ງຜູ້ແທນບັນດາທ່ານໄປຊົມງານວາງສະແດງກົນຈັກກະສິກໍາສາກົນຂອງງານວາງສະແດງຈີນ-ອາຊຽນຄັ້ງທີ 11.
