ຕາມຂ່າວCRI: ຕອນເຊົ້າວັນທີ 16 ກັນຍານີ້, ວາງສະແດງສິນຄ້າຈີນ-ອາຊຽນ ແລະ ກອງປະຊຸມສຸດຍອດການຄ້າ ແລະ ການລົງທຶນຈີນ-ອາຊຽນຄັ້ງທີ 11 ໂດຍແມ່ນຈີນ ແລະ 10 ປະເທດອາຊຽນເປັນເຈົ້າພາບຮ່ວມກັນນັ້ນໄດ້ໄຂຂຶ້ນຢູ່ສູນປະຊຸມ ແລະ ວາງສະແດງສາກົນນານນີງ ເຂດກວາງຊີຈີນ.
ໃນ 9 ໂມງວັນທີ 16 ກັນຍານີ້,ທ່ານຈ່າງໂກ່ລີ້ ຮອງນາຍົກລັດຖະມົນຕີຈີນໄດ້ເຂົ້າຮ່ວມພິທີໄຂງານ ແລະ ກ່າວປາຖະກະຖາ. ທ່ານຫຼີຊຽນລົງ ນາຍົກລັດຖະມົນຕີສິງກະໂປ, ທ່ານຮຸນແຊນ ນາຍົກລັດຖະມົນຕີກຳປູເຈຍ, ທ່ານບຸນຍັງ ວໍລະຈິດ ຮອງປະທານປະເທດລາວ, ທ່ານທຽນທູນ ຮອງປະທານາທິບໍດີມຽນມາ, ທ່ານທະນາສັກ ປະຕິມາປຣະກອນ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດໄທ, ທ່ານຟາມບິງມິງ ຮອງນາຍົກລັດຖະມົນຕີ ທັງເປັນລັດຖະມົນຕີວ່າການກະຊວງການຕ່າງປະເທດຫວຽດນາມກໍ່ໄດ້ເຂົ້າຮ່ວມພິທີໄຂງານແລະກ່າວຄຳປາໄສ. ຫຼັງຈາກນັ້ນ, ຜູ້ຕາງໜ້າອົສຕຣາລີ ເຊິ່ງເປັນປະເທດແຂກຜູ້ມີກຽດສະເພາະປີນີ້ກໍ່ໄດ້ກ່າວຄຳປາໄສ.
