ວັນທີ 20 ຕຸລານີ້, ທ່ານນາງຢູໂກ ໂອບູຊີ, ລັດຖະມົນຕີວ່າການກະຊວງເສດຖະກິດແລະຂະແໜງການຍີ່ປຸ່ນໄດ້ຍື່ນໃບລາອອກຕໍ່ທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນ ຍ້ອນອົງການຈັດຕັ້ງການເມືອງທີ່ກ່ຽວຂ້ອງຖືກເຫັນວ່າມີບັນຫາດ້ານລາຍຈ່າຍທີ່ບໍ່ເໝາະສົມ, ເມື່ອເປັນແນວນັ້ນ, ທ່ານນາງຢູໂກ ໂອບູຊີໄດ້ກາຍເປັນສະມາຊິກຜູ້ທໍາອິດໃນຄະນະລັດຖະບານຊິນໂຈ ອາເບະສະໄໝທີ 2 ທີ່ລາອອກຈາກຕໍາແໜ່ງ.
ຕອນເຊົ້າວັນທີ 20 ຕຸລານີ້, ທ່ານນາງໂກ ໂອບູຊີ ໄດ້ຍື່ນໃບລາອອກຕໍ່ທ່ານຊິນໂຈ ອາເບະຢ່າງເປັນທາງການ ແລະທ່ານຊິນໂຈ ອາເບະກໍໄດ້ຮັບພິຈາລະນາໃບລາອອກຂອງເພິ່ນ. ຜົນການສໍາຫຼວດຫາງສຽງສະບັບຫຼ້າສຸດທີ່ດໍາເນີນໂດຍສໍານັກຂ່າວສານກຽວໂດຂອງຍີ່ປຸ່ນ, ໃນປັດຈຸບັນ, ກະແສສະໜັບສະໜູນຄະນະລັດຖະບານທ່ານຊິນໂຈ ອາເບະແມ່ນ 48,1% ເຊິ່ງໄດ້ຫຼຸດລົງ 6,8% ເມື່ອທຽບກັບຜົນການສໍາຫຼວດໃນເດືອນກັນຍາແລ້ວນີ້. ນັກວິເຄາະເຫັນວ່າ, ນີ້ອາດຈະແມ່ນຍ້ອນໄດ້ຮັບຜົນກະທົບຈາກອົງການຈັດຕັ້ງການເມືອງທີ່ກ່ຽວຂ້ອງກັບທ່ານນາງຢູໂກ ໂອບູຊີມີບັນຫາດ້ານການເງິນ.
