ທີ 19 ຕຸລານີ້ຕາມເວລາທ້ອງຖິ່ນ, ຕໍ່ກັບການພົບປະກັນຮອບໃໝ່ລະຫວ່າງທ່ານສີຈິ້ນຜິງ ປະທານປະເທດຈີນກັບທ່ານ ບາຣັກໂອບາມາ ປະທານາທິບໍດີອາເມລິກາທີ່ຈັດຂຶ້ນຢູ່ນະຄອນຫຼວງປັກກິ່ງໃນເດືອນໜ້ານີ້, ທ່ານ ຊຸ່ຍທ່ຽນຄາຍ ເອກອັກຄະລັດຖະທູດຈີນປະຈຳອາເມລິກາກ່າວຢູ່ນະຄອນຫຼວງວໍຊິງຕັນວ່າ, ຈຸດພື້ນຖານຂອງການພົບປະກັນຄັ້ງນີ້ກໍຄືຊຸກຍູ້ການພົວພັນລະຫວ່າງປະເທດໃຫຍ່ແບບໃໝ່ຈີນ-ອາເມລິກາໃຫ້ມີຄວາມເລິກເຊິ່ງ, ຕິດແທດຕົວຈິງແລະມີໝາກຜົນແທ້ຈິງ,ການພົບປະສົນທະນາທີ່ມີລັກສະນະຍຸດທະສາດແລະເລິກເຊິ່ງລະຫວ່າງການນຳຂອງສອງປະເທດຄັ້ງນີ້ສາມາດກຳນົດທິດທາງລວມແລະພື້ນຖານທີ່ຕັ້ງໜ້າສຳລັບການພົວພັນລະຫວ່າງສອງປະເທດ, ແລະການຊີ້ນຳທາງການເມືອງແບບນີ້ແມ່ນຂາດບໍ່ໄດ້ສຳລັບການຮ່ວມມືໃນຂົງເຂດລະອຽດຕ່າງໆ.
ຄ່ຽງຄູ່ກັບການກ່າວເຖິງ ຫົວຂໍ້ໃນການພົບປະກັນຄັ້ງນີ້, ທ່ານ ຊຸ່ຍທ່ຽນຄາຍກ່າວວ່າ, ການພົບປະສົນທະນາທີ່ມີລັກສະນະຍຸດທະສາດແລະ ເລິກເຊິ່ງລະຫວ່າງການນຳຂອງສອງປະເທດນີ້ສາມາດກຳນົດທິດທາງລວມແລະພື້ນຖານທີ່ຕັ້ງໜ້າສຳລັບການພົວພັນລະຫວ່າງສອງປະເທດ ແລະການຊີ້ນຳທາງການເມືອງແບບນີ້ແມ່ນຂາດບໍ່ໄດ້ສຳລັບການຮ່ວມມືໃນຂົງເຂດລະອຽດຕ່າງໆ.
ເມື່ອສະຫຼຸບເຖິງຄວາມຄືບໜ້າຂອງການຮ່ວມກັນສ້າງການພົວພັນລະຫວ່າງປະເທດໃຫຍ່ແບບໃໝ່ທີ່ລິເລີ່ມໂດຍຈິນແລະອາເມລິກາໃນຮອບໜຶ່ງປີຜ່ານມານີ້, ທ່ານ ຊຸ່ຍທ່ຽນຄາຍກ່າວຕື່ມວ່າ, ເວົ້າລວມແລ້ວ, ການພົວພັນລະຫວ່າງສອງປະເທດມີການຂະຫຍາຍຕົວບົນພື້ນຖານທີ່ມີຄວາມໜັກແໜ້ນ, ເຖິງວ່າມີບັນຫາແລະຂໍ້ຂັດແຍ້ງບາງຢ່າງກໍຕາມ, ແຕ່ສິ່ງທີ່ໜ້າຊົມເຊີຍກໍຄືທັງສອງຝ່າຍສາມາດແກ້ໄຂແລະຄວບຄຸມຂໍ້ຂັດແຍ້ງດ້ວຍທ່າທີທີ່ສ້າງສັນ, ແກ້ໄຂບັນຫາດ້ວຍວິທີທີ່ ສ້າງສັນບົນພື້ນຖານແຫ່ງການເພີ່ມຄວາມເຂົ້າໃຈແລະຄວາມໄວ້ເນື້ອເຊື່ອໃຈເຊິ່ງກັນແລະກັນ.
 |
