ໜັງສືພິມ Dailymail ຂອງອັງກິດສະບັບວັນທີ 20 ຕຸລານີ້ລາຍງານວ່າ, ຢູ່ນະຄອນStockport ລັດ Greater Manchester ຂອງອັງກິດ,ມີແມ່ຍິງອາຍຸ 20 ປີ ທີ່ມີຊື່ວ່າ Beth Goodier ໄດ້ເປັນພະຍາດ Kleine-Levine Syndrome ເຊິ່ງເປັນພະຍາດທີ່ບໍ່ຄ່ອຍເຫັນ ແລະມີຊື່ເອີ້ນອີກຊື່ໜຶ່ງວ່າ ພະຍາດ Sleeping Beauty. ແຕ່ລະມື້, ນາງ Goodier ຕ້ອງນອນເປັນເວລາ 22 ຊົ່ວໂມງ, ມີພຽງ 2 ຊົ່ວໂມງເທົ່ານັ້ນ,ນາງຈິ່ງມີສະຕິຕື່ນຕົວຢູ່ໄດ້.
ນາງ Goodier ເປັນພະຍາດນີ້ມາແຕ່ອາຍຸ 16 ປີ, ປົກກະຕິອາການແບບນີ້ຈະເກີດເປັນໜຶ່ງເທື່ອໃນທຸກໆ 5 ອາທິດ. ໃນໄລຍະເຈັບເປັນເວລາ 1 ຫາ 3 ອາທິດ, ນາງອາດຈະນອນຫຼັບໄດ້ໃນທຸກເວລາ, ຈິ່ງຕ້ອງການມີຄົນເບິ່ງແຍງຕະຫຼອດ 24 ຊົ່ວໂມງ.
