ຂ່າວສານເມຮ໌ຂອງອີຣານລາຍງານໃນວັນທີ 20 ຕຸລານີ້ວ່າ, ທ່ານອັບບັດສ໌ ອາຣັກຊີ, ລັດຖະມົນຕີຊ່ວຍວ່າການກະຊວງການຕ່າງປະເທດອີຣານໄດ້ລາຍງານຕໍ່ລັດຖະສະພາອີຣານວ່າ, ອາເມລິກາຍິນດີໃຫ້ການປະນີປະນອມໃນບັນຫານິວເຄລຍຂອງອີຣານ, ເຊິ່ງຮັບເຫັນດີໃຫ້ອີຣານຮັກສາເຄື່ອງແຍກວັດຖຸດ້ວຍແຮງໜີສູນຈຳນວນ 4000 ເຄື່ອງ.
ຂ່າວສານເມຮ໌ໄດ້ອ້າງຕາມຄຳເວົ້າຂອງສະມາຊິກສະພາອີຣານຜູ້ໜຶ່ງມາລາຍງານວ່າ, ທ່ານອາຣັກຊີ ໄດ້ລາຍງານສະພາບຄວາມຄືບໜ້າຫຼ້າສຸດກ່ຽວກັບການເຈລະຈາບັນຫານິວເຄລຍຂອງອີຣານຕໍ່ກຳມາທິການນະໂຍບາຍຄວາມໝັ້ນຄົງແລະການຕ່າງປະເທດແຫ່ງຊາດຂອງລັດຖະ ສະພາອິສງາມອີຣານ. ແຕ່ຂ່າວດັ່ງກ່າວຍັງບໍ່ທັນໄດ້ຮັບການຢືນຢັນຈາກທາງການອີຣານເທື່ອ.
ປັດຈຸບັນ, ອີຣານມີເຄື່ອງແຍກວັດຖຸດ້ວຍແຮງໜີສູນປະມານ 19.000 ເຄື່ອງ, ໃນນັ້ນມີ 9.400 ເຄື່ອງກຳລັງໃຊ້ງານຢູ່. ທ່ານອາລີ ຮາເມເນອີ, ຜູ້ນຳສູງສຸດຂອງອີຣານເຄີຍກ່າວວ່າ, ໃນອີກບໍ່ເທົ່າໃດປີຂ້າງໜ້ານີ້, ອີຣານຕ້ອງການເຄື່ອງແຍກວັດຖຸດ້ວຍແຮງໜີສູນຈຳນວນ 1 ແສນ 9 ໝື່ນເຄື່ອງ.