ຕະຫຼາດຄ້າຂາຍເງິນຕາສິງກະໂປໄດ້ເລີ່ມໃຫ້ບໍລິການຄ້າຂາຍເງິນຢວນຈີນແບບຈອງຊື້ລ່ວງໜ້າຢ່າງເປັນທາງການໃນວັນທີ 20 ຕຸລານີ້, ໃນນັ້ນ, ລວມທັງສັນຍາວ່າດ້ວຍການຄ້າຂາຍສະກຸນເງິນໂດລາແລະເງິນຢວນຈີນແບບຈອງຊື້ລ່ວງໜ້າທີ່ມີມູນຄ່າ 1 ແສນໂດລາສະຫະລັດແລະສັນຍາວ່າດ້ວຍການແລກປ່ຽນເງິນຢວນຈີນກັບເງິນໂດລາສະຫະລັດແບບລ່ວງໜ້າທີ່ມີມູນຄ່າ 5 ແສນໂດລາສະຫະລັດ.
ທ່ານໂກ່ນິງນິງ, ຜູ້ວ່າການທະນາຄານຈີນສາຂາສິງກະໂປກ່າວວ່າ, ການບໍລິການຄ້າຂາຍເງິນຢວນຈີນແບບຈອງຊື້ລ່ວງໜ້າທີ່ຕະຫຼາດຄ້າຂາຍເງິນຕາສິງກະໂປສະໜອງໃຫ້ນັ້ນໄດ້ເຮັດໃຫ້ການບໍລິການດ້ານສະກຸນເງິນຢວນຈີນທີ່ຢູ່ຕ່າງປະເທດມີຊະນິດອຸດົມສົມບູນຂຶ້ນຕື່ມ, ເຮັດໃຫ້ຜູ້ຖືເງິນຢວນຈີນໃນທົ່ວໂລກສາມາດດຳເນີນການຄຸ້ມຄອງຄວາມສ່ຽງໃຫ້ດີກວ່າເກົ່າ, ແລະເຮັດໃຫ້ເງິນຢວນຈີນຖືກນຳໃຊ້ຫຼາຍກວ່າເກົ່າໃນສາກົນ, ແລະໄດ້ເພີ່ມທະວີກຳລັງແຂ່ງຂັນຂອງສິງກະໂປໃນຖານະເປັນສູນທຸລະກິດເງິນຢວນຈີນແລະສູນແລກປ່ຽນລະຫວ່າງເງິນຢວນຈີນກັບເງິນຕາຕ່າງປະເທດຢູ່ຕ່າງປະເທດ.