ທ້າວ Andrej Ciesielski ຊາວ​ໜຸ່ມ​ເຢຍລະ​ມັນ​ອາຍຸ 17 ປີ​ໄດ້​ຮ່ວມ​ກັບ​ທ້າວ Alexander Remney ໝູ່​ເພື່ອນ​ທີ່​ມາ​ຈາກ​ມົສກູ​ຂອງຣັດ​ເຊຍ​ສ່ຽງ​ໄພ​ປີນ​ຕຶກ​ສູງ​ສຽດ​ຟ້າ​ຂອງ​ຮົງ​ກົງ​ເພື່ອ​ສຳຜັດ​ກັບ​ຄວາມ​ຮູ້ສຶກ​ສຳ​ເລັດ​ຜົນທີ່​ໄດ້​ຢືນ​ຢູ່​ຈອມ​ຕຶກ​. ທ້າວ Andrej ​ໄດ້​ນຳ​ໃຊ້​ກ້ອງຖ່າຍຮູບ​ມື​ອາຊີບ​ສະ​ເພາະ​ກິລາ​ຫວາດ​ສຽວ​ບັນທຶກ​ພາບ​ກວ້າງຂອງ​ຕົວ​ເມືອງ​ທີ່​ຫຼຽວ​ເບິ່ງ​ຈາກ​ຈອມ​ຕຶກ​ພາຍຫຼັງ​ທີ່​​ໄດ້​ປີນ​ຂຶ້ນ​​ເຖິງ​ຈອມ​ຕຶກ​​ແລ້ວ. ການ​ປີນ​ຕຶກ​ສູງ​ຄັ້ງ​ນີ້ບໍ່​ມີ​ອຸປະກອນ​ຮັບປະກັນ​ຄວາມ​ປອດ​ໄພ​ແຕ່​ຢ່າງ​ໃດ.