ກອງປະຊຸມຂະແໜງການຊັບສິນທາງນ້ຳແບບແຊ່ເຢັນທົ່ວໂລກ "ເສັ້ນທາງສາຍໄໝທາງທະເລ" ຄັ້ງທຳອິດ ແລະ ກອງປະຊຸມຖະແຫຼງຂ່າວກ່ຽວກັບການເປີດບໍລິການຂອງຕະຫຼາດຊື້ຂາຍຜະລິດຕະພັນຈາກທະເລຈີນ-ອາຊຽນ ໄດ້ຈັດຂຶ້ນຢູ່ທີ່ນະຄອນຝູໂຈ່ວແຂວງຝູຈ້ຽນຈີນໃນວັນທີ 23 ຕຸລານີ້.
ຂ່າວແຈ້ງວ່າ, ຕະຫຼາດຊື້ຂາຍຜະລິດຕະພັນຈາກທະເລຈີນ-ອາຊຽນຈະເຄື່ອນໄຫວແບບຈົດທະບຽນສະມາຊິກກະພາບ ເຊິ່ງດຶງດູດວິສາຫະກິດທີ່ຜະລິດ, ປຸງແຕ່ງ ຫຼື ຄ້າຂາຍຜະລິດຕະພັນຈາກທະເລ ແລະວິສາຫະກິດຂະໜາດໃຫຍ່ທີ່ມີຜະລິດຕະພັນຈາກທະເລງວດໃຫຍ່ ແລະ ມີຊັບພະຍາກອນດ້ານຜະລິດຕະພັນຈາກທະເລຂອງຈີນແລະປະເທດອາຊຽນເປັນສະມາຊິກ, ແລະສະໜອງຜະລິດຕະພັນນານາຊະນິດ ແລະ ຮູບການຊື້ຂາຍທີ່ຄ່ອງແຄ້ວໃຫ້ແກ່ສະມາຊິກເຫຼົ່ານີ້.
ຂ່າວແຈ້ງອີກວ່າ, ໃນຖານະທີ່ເປັນວິສາຫະກິດຫຸ້ນສ່ວນແບບປະສົມ, ການສ້າງຕັ້ງຕະຫຼາດຊື້ຂາຍຜະລິດຕະພັນຈາກທະເລຈີນ-ອາຊຽນຈະເພີ່ມທະວີການຮ່ວມມືດ້ານການປະມົງທາງທະເລແລະການເຊື່ອມຈອດກັນລະຫວ່າງຈີນກັບບັນດາປະເທດອາຊຽນ, ຊຸກຍູ້ໃຫ້ເສດຖະກິດການປະມົງທາງທະເລຂອງຈີນ-ອາຊຽນມີການພັດທະນາຢ່າງບໍ່ຢຸດຢັ້ງ, ບັນລຸການຊົມໃຊ້ຊັບພະຍາກອນທາງທະເລຮ່ວມກັນ ແລະ ຕ່າງຝ່າຍຕ່າງມີຜົນປະໂຫຍດ. ໃນຂະນະດຽວກັນ ກໍຈະສາມາດເພີ່ມທະວີຖານະບົດບາດຂອງພາກພື້ນຈີນ-ອາຊຽນໃນທົ່ວໂລກທາງດ້ານເສດຖະກິດການປະມົງທາງທະເລ, ແລະກໍ່ຕົວເປັນອົງການຮ່ວມມືດ້ານເສດຖະກິດທາງທະເລທີ່ມີກຳລັງແຂ່ງຂັນສູງຂຶ້ນ.