ວັນທີ 23 ຕຸລານີີ້, ດ່ານຕົ່ງຊິ່ງຂອງນະຄອນຝັງເສີງກາງ ເຂດປົກຄອງຕົນເອງເຜົ່າຈວ້າງກວາງຊີຂອງຈີນ ໄດ້ຟື້ນຟູການໃຫ້ບໍລິການເຮັດໜັງສືຜ່ານແດນສໍາລັບ "ທ່ຽວມື້ດຽວ"ໃນການເດີນທາງໄປທ່ຽວເມືອງມອງກາຍຂອງຫວຽດນາມ, ການກະທໍານີ້ໝາຍຄວາມວ່າ, ການບໍລິການເຮັດໜັງສືຜ່ານແດນຢູ່ຕ່າງຖິ່ນສໍາລັບການທ່ອງທ່ຽວຢູ່ເຂດຊາຍແດນຈີນ-ຫວຽດນາມທີ່ໄດ້ຢຸດຕິເປັນການຊົ່ວຄາວໃນກາງເດືອນພຶດສະພາປີນີ້ນັ້ນ ໄດ້ຟື້ນຟູຄວາມເປັນປົກກະຕິແລ້ວເທື່ອລະກ້າວ.
ວັນທີ 23 ຕຸລານີີ້, ອົງການປ້ອງກັນຄວາມສະຫງົບນະຄອນຕົ່ງຊິ່ງເປີດເຜີຍໃຫ້ຮູ້ວ່າ, ນັກທ່ອງທ່ຽວທີ່ຈອງຖ້ຽວການທ່ອງທ່ຽວຢູ່ບໍລິສັດທ່ອງທ່ຽວທີ່ມີສິດດໍາເນີນທຸລະກິດການທ່ອງທ່ຽວຢູ່ຊາຍແດນນັ້ນ, ສາມາດເຮັດໜັງສືເຂົ້າອອກເມືອງຂອງສປຈີນ ຢູ່ອົງການຄຸ້ມຄອງການເຂົ້າອອກເມືອງຂອງອົງການປ້ອງກັນຄວາມສະຫງົບຂອງນະຄອນຝັງເສີງກາງ ເພື່ອເດີນທາງໄປທ່ຽວຫວຽດນາມ.
