ໜັງສືພິມ The Jakarta Globe ສະບັບວັນທີ 23 ຕຸລານີ້ລາຍງານວ່າ, ທ່ານ ໂຈໂຄວິໂດໂດ ປະທານາທິບໍດີອິນໂດເນເຊຍຄົນໃໝ່ຈະ ປະກາດລາຍຊື່ຂອງ ລັດຖະບານໃນພິທີອະທິຖານໃນວັນສຸກວັນທີ 24 ຕຸລານີ້, ເຊິ່ງພິທີດຳລົງຕຳແໜງຂອງລັດຖະບານຈະຈັດຂຶ້ນໃນວັນທີ 27 ຕຸລານີ້.
ຕາມແຜນການເດີມຂອງທ່ານ ໂຈໂຄ, ທ່ານຢາກປະກາດລາຍຊື່ຂອງລັດຖະບານຢູ່ເຂດພາກເໜືອຂອງນະຄອນຫຼວງຈາກາຕາໃນວັນທີ 22 ຕຸລານີ້, ແຕ່ຍ້ອນວ່າອົງການຕ້ານການສໍ້ລາດບັງຫຼວງໄດ້ປະຕິເສດບຸກຄົນຈຳນວນໜຶ່ງໃນລາຍຊື່ດັ່ງກ່າວ. ສະນັ້ນທ່ານຈິ່ງຕ້ອງດັດແກ້ລາຍຊື່ແລະເລື່ອນເວລາປະກາດລາຍຊື່. ລັດຖະບານຊຸດນີ້ຈະມີປະມານ 33 ຫຼື 34 ຄົນ, ເຊິ່ງທ່ານເຄີຍໄດ້ກ່າວໃນກອງປະຊຸມຂ່າວທີ່ຈັດຢູ່ທຳ ນຽບປະທານາທິບໍດີໃນຕອນບ່າຍຂອງວັນທີ 22 ຕຸລານີ້ວ່າ, ໃນຈຳນວນ 43 ຄົນທີ່ທ່ານສະເໜີນັ້ນ, ມີ 8 ຄົນບໍ່ໄດ້ຖືກຍອມຮັບຈາກຄະນະກຳມະການຕ້ານການສໍ້ລາດບັງຫຼວງ.