ວັນທີ 23 ຕຸລານີ້, ທ່ານ ເວນດີເຊີມານ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາທີ່ຮັບຜິດຊອບວຽກງານດ້ານການເມືອງໄດ້ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຊຸກຍູ້ຂະບວນການເຈລະຈາກ່ຽວກັບບັນຫານິວເຄລຍອີຣານໂດຍໄວແລະ "ຖືກຕ້ອງ", ເພື່ອທຳຄວາມພະຍາຍາມໃຫ້ບັນລຸສັນຍາຮອບດ້ານກ່ອນວັນທີ 24 ຕຸລານີ້.
ທ່ານ ເຊີມານ ໄດ້ກ່າວຄຳປາໄສຢູ່ສູນຄົ້ນຄວ້າຍຸດທະສາດສະມາຄົມຜູ້ຊົງຄຸນວຸດທິແລະບັນຫາສາກົນໃນມື້ດຽວກັນນີ້ວ່າ, ຝ່າຍຕ່າງໆຄວນມີ ທ່າທີທີ່ຮີບດ່ວນ, ນຳໃຊ້ເວລາທີ່ເຫຼືອຢ່າງເຕັມສ່ວນເພື່ອບັນລຸສັນຍາ. ຖ້າຫາກອີຣານມີຄວາມຫວັງທີ່ແທ້ຈິງເພື່ອແກ້ໄຂຄວາມຂັດແຍ້ງແລະຊຸກຍູ້ປະຊາຄົມໂລກໃຫ້ຍົກເລີກການລົງໂທດຕໍ່ປະເທດຕົນ, ປະຈຸບັນນີ້ກໍແມ່ນໂອກາດທີ່ດີທີ່ສຸດແລ້ວ. ອາເມລິກາແລະປະເທດພັນທະມິດຍິນດີນຳໃຊ້ໂອກາດນີ້ຜ່ອນຜັນຄວາມເປັນຫ່ວງຂອງຕົນທີ່ມີຕໍ່ແຜນນິວເຄລຍອີຣານ.