ຕອນເຊົ້າຂອງວັນທີ 24 ຕຸລານີ້, ບັນດາລັດຖະມົນຕີວ່າການກະຊວງການເງິນແລະຜູ້ຕາງໜ້າທີ່ໄດ້ຮັບການມອບສິດຂອງປະເທດສະມາຊິກ ທີ່ສະແດງເຈດຈຳນົງໃນການສ້າງຕັ້ງງວດທຳອິດລວມມີຈີນ, ອິນເດຍ, ສິນກະໂປແລະປະເທດອື່ນໆທັງ 21 ປະເທດໄດ້ຮ່ວມກັນເຊັນສັນຍາ ຢູ່ຫໍສະພາປະຊາຊົນທີ່ນະຄອນຫຼວງປັກກິ່ງຂອງຈີນ. 21 ປະເທດດັ່ງກ່າວໄດ້ຮ່ວມກັນຕົກລົງສ້າງຕັ້ງທະນາຄານການລົງທຶນດ້ານພື້ນຖານໂຄງລ່າງອາ ຊີ, ເຊິ່ງເປັນນິມິດໝາຍໃຫ້ເຫັນວ່າວຽກງານການຫ້າງຫາກະກຽມການກໍ່ຕັ້ງຂອງອົງການພັດທະນາແບບຫຼາຍຝ່າຍໃນພາກພື້ນອາຊີທີ່ລິເລີ່ມກໍ່ຕັ້ງໂດຍຈີນເຊິ່ງອົງການນີ້ຈະກ້າວເຂົ້າໄປສູ່ໄລຍະໃໝ່.
ທະນາຄານການລົງທຶນດ້ານພື້ນຖານໂຄງລ່າງອາຊີຈະເປັນອົງການພັດທະນາແບບຫຼາຍຝ່າຍໃນພາກພື້ນອາຊີທີ່ມີລັກສະນະລະຫວ່າງລັດ ຖະບານ, ເຊິ່ງຈະດຳເນີນໂດຍອີງຕາມຮູບແບບແລະຫຼັກໝັ້ນຂອງທະນາຄານພັດທະນາແບບຫຼາຍຝ່າຍ, ມີຈຸດສຸມໃນການໃຫ້ການສະໜັບ ສະໜູນດ້ານການກໍ່ສ້າງພື້ນຖານໂຄງລ່າງ. ທະນາຄານການລົງທຶນດ້ານພື້ນຖານໂຄງລ່າງອາຊີຈະມີສຳນັກງານໃຫຍ່ຕັ້ງຢູ່ນະຄອນຫຼວງປັກກິ່ງ. ອີງຕາມບົດບັນທຶກການຫ້າງຫາກະກຽມສ້າງຕັ້ງທະນາຄານການລົງທຶນດ້ານພື້ນຖານໂຄງລ່າງອາຊີ, ທຶນທີ່ຜ່ານການກວດກາຂອງທະນາຄານດັ່ງກ່າວແມ່ນ 100 ຕື້ໂດລາ, ເປົ້າໝາຍທີ່ຢືນຢັນການລົງທຶນໃນເບື້ອງຕົ້ນແມ່ນປະມານ 50 ຕື້ໂດລາ, ແລະການລົງທຶນຕົວຈິງມີ 10 ຕື້ໂດລາ.