ການໂຮມຊຸມນຸມແບບຜິດກົດໝາຍຂອງຂະບວນການ "ຍຶດຄອງເຂດຈົງຮວນ"ໄດ້ດໍາເນີນມາຫຼາຍກວ່າ 3 ອາທິດແລ້ວ. ບໍລິສັດ BBC ຂອງອັງກິດລາຍງານໃນວັນທີ 24 ຕຸລານີ້ວ່າ, ພວກເຄື່ອນໄຫວທາງສັງຄົມທີ່ມາຈາກທົ່ວໂລກໄດ້ເຕົ້າໂຮມກັນຢູ່ນະຄອນຫຼວງອົສໂລຂອງນັອກແວ ເພື່ອສະເໜີຄວາມເຫັນໃຫ້ແກ່ຂະບວນການ "ຍຶດຄອງເຂດຈົງຮວນ"ແລະໂຄສະນາຊວນເຊື່ອໃຫ້ໝື່ນຄົນຍຶດຄອງຖະໜົນຢູ່ເຂດໃຈກາງຂອງຮົງກົງ, ໃນນັ້ນມີຜູ້ປະທ້ວງໃນຂະບວນການ "ຍຶດຄອງເຂດຈົງຮວນ"ຫຼາຍກວ່າ 1000 ຄົນເຄີຍໄດ້ຮັບການຝຶກຊ້ອມລັບ ເພື່ອຮຽນວິທີຕໍ່ຕ້ານປະເພດຕ່າງໆ.
ບົດລາຍງານຍັງໄດ້ຊີ້ອອກວ່າ, ໃນຂະບວນການ "ຍຶດຄອງເຂດຈົງຮວນ"ຢູ່ຮົງກົງ, ມີຜູ້ປະທ້ວງຢ່າງໜ້ອຍ 1000 ຄົນ ເຄີຍໄດ້ຮັບການຝຶກຊ້ອມພິເສດຈາກກຸ່ມຄົນສິດທິມະນຸດຂອງປະຕ່າງໆ ເພື່ອຮຽນການກະທໍາໃນການປະທ້ວງ ໂດຍມີເຈດຕະນາໃຫ້ຂະບວນການ "ຍຶດຄອງເຂດຈົງຮວນ"ສ້າງຜົນກະທົບຫຼາຍທີ່ສຸດ.
ໃນເວລາໃຫ້ສໍາພາດຕໍ່ BBC, ທ້າວຢາງຈ້ຽນລີ້ທີ່ອາໄສຢູ່ອາເມລິກາໄດ້ໃຫ້ຮູວ່າ, ລາວໄດ້ໃຫ້ຂໍ້ສະເໜີແກ່ພວກປະທ້ວງຢູ້ຮົງກົງເກືອບທຸກຊົ່ວໂມງ ແລະໄດ້ກາຍເປັນທີ່ປຶກສາຂອງພວກປະທ້ວງໃນຂະບວນການ "ຍຶດຄອງເຂດຈົງຮວນ".
ບົດລາຍງານຍັງໄດ້ຊີ້ອອກວ່າ, ສ່ວນ"ສະຖາບັນຄົ້ນຄວ້າ Albert Einstein"ທີ່ເປັນອົງການຈັດຕັ້ງສິດທິມະນຸດຂອງອາເມລິກາໄດ້ຊີ້ນໍາພວກປະທ້ວງໃນດ້ານການສົນທະນາກັບເຈົ້າໜ້າທີ່ຕໍາຫຼວດ, ການຄຸ້ມຄອງການເຄື່ອນໄຫວ, ການກະທໍາໃນຍາມຖືກກັກຕົວ ຈົນຮອດວຽກງານຕົວຈິງຕ່າງໆ ເຊັ່ນການຈັດສັນນໍ້າ ແລະເຄື່ອງກິນອາຫານ ແລະອື່ນໆ.