ວັນທີ 24 ຕຸລານີ້, ທ່ານຕາເກຮິໂກ ນາໂກໂອ ຜູ້ວ່າການທະນາຄານພັດທະນາອາຊີ ຫຼື ADP ອອກຖະແຫຼງການໂດຍກ່າວວ່າ, ຖ້າທະນາຄານລົງທຶນດ້ານພື້ນຖານໂຄງລ່າງອາຊີສ້າງຕັ້ງຂຶ້ນຢ່າງເປັນທາງການ, ທະນາຄານພັດທະນາອາຊີຈະພິຈາລະນາຮ່ວມມືກັບທະນາຄານລົງທຶນດ້ານພື້ນຖານໂຄງລ່າງອາຊີ "ຢ່າງເໝາະສົມ".
ວັນທີ 24 ຕຸລານີ້, ຢູ່ນະຄອນຫຼວງປັກກິ່ງ, ລັດຖະມົນຕີການເງິນ ຫຼືຜູ້ຕາງໜ້າຂອງ 21 ປະເທດທີ່ມີເຈດຈຳນົງສ້າງຕັ້ງທະນາຄານລົງທຶນດ້ານພື້ນຖານໂຄງລ່າງອາຊີໄດ້ເຊັນບົດບັນທຶກຄວາມເຂົ້າໃຈກ່ຽວກັບການສ້າງຕັ້ງທະນາຄານລົງທຶນດ້ານພື້ນຖານໂຄງລ່າງອາຊີ. ເດືອນຕຸລາປີ 2013, ໃນເວລາໄປຢ້ຽມຢາມອາຊີຕາເວັນອອກສຽງໃຕ້, ທ່ານສີຈິິ້ນຜິງ ປະທານປະເທດຈີນໄດ້ສະເໜີໃຫ້ສ້າງຕັ້ງທະນາຄານລົງທຶນດ້ານພື້ນຖານໂຄງລ່າງອາຊີ, ໄດ້ຮັບຄຳຕອບແລະການສະໜັບສະໜູນຢ່າງກວ້າງຂວາງ. ທະນາຄານລົງທຶນດ້ານພື້ນຖານໂຄງລ່າງອາຊີຈະເປັນອົງການຈັດຕັ້ງພັດທະນາຫຼາຍຝ່າຍລະຫວ່າງລັດຖະບານໃນພາກພື້ນອາຊີ, ເນັ້ນໃສ່ການສະໜັບສະໜູນການກໍ່ສ້າງພື້ນຖານໂຄງລ່າງ, ຊຸກຍູ້ການຮ່ວມມືພາກພື້ນ ແລະການພົວພັນໝູ່ຄູ່. ສຳນັກງານໃຫຍ່ຂອງທະນາຄານລົງທຶນດ້ານພື້ານຖານໂຄງລ່າງຈະຕັ້ງຢູ່ນະຄອນຫຼວງປັກກິ່ງ, ຕາມແຜນການ ຈະເລີ່ມບໍລິການກ່ອນທ້າຍປີ 2015.