ວັນທີ 29 ຕຸລານີ້ຢູ່ຫໍສະພາປະຊາຊົນ, ທ່ານສີຈິ້ນຜີງ, ປະທານປະເທດຈີນໄດ້ພົບປະກັບຜູ້ແທນຄະນະມົນຕີຂອງເວທີປຶກສາຫາລືອາຊີ-ໂປອາວ.
ທ່ານສີຈິ້ນຜີງຊີ້ອອກວ່າ, ເວທີປຶກສາຫາລືອາຊີ-ໂປອາວໄດ້ເສີມຂະຫຍາຍບົດບາດສຳຄັນແລະພິເສດໃນດ້ານການເຕົ້າໂຮມຄວາມຮັບຮູ້ຄືກັນຂອງອາຊີ, ຊຸກຍູ້ການພັດທະນາຂອງອາຊີແລະຍົກສູງອິດທິພົນຂອງອາຊີ. ລັດຖະບານຈີນເອົາໃຈໃສ່ໃນລະດັບສູງແລະຈະສືບຕໍ່ສະໜັບສະໜູນການພັດທະນາຂອງເວທີປຶກສາຫາລືອາຊີ-ໂປອາວ.
ຜູ້ແທນຄະນະມົນຕີເວທີປຶກສາຫາລືອາຊີໂປອາວກ່າວວ່າ, ຂອບໃຈນຳການສະໜັບສະໜູນຂອງລັດຖະ ບານຈີນ, ຍິນດີສືບຕໍ່ປະກອບຄຳເຫັນໃຫ້ແກ່ການປະຕິຮູບເປີດປະຕູສູ່ພາຍນອກຂອງຈີນແລະການພັດທະນາແລະຄວາມຈະເລີນຮຸ່ງເຮືອງຂອງອາຊີ, ເສີມຂະຫຍາຍບົດບາດຫຼາຍກວ່າເກົ່າເພື່ອຊຸກຍູ້ຄວາມເຂົ້າໃຈກັນແລະເຊື່ອມໂຍງເຂົ້າກັນລະຫວ່າງຈີນກັບອາຊີກໍຄືຂອງໂລກ.
ທ່ານຢາຊຸໂອ ຟູຄູດາ, ປະທານຄະນະມົນຕີເວທີປຶກສາຫາລືອາຊີ-ໂປອາວໄດ້ຕາງໜ້າເວທີປຶກສາຫາລືອາຊີໂປອາວເຊື້ອເຊີນທ່ານສີຈິ້ນຜີງເຂົ້າຮ່ວມກອງປະຊຸມປະຈຳປີຂອງເວທີປຶກສາຫາລືອາຊີໂປອາວໃນປີໜ້າ, ທ່ານສີຈິ້ນຜີງໄດ້ຕອບຮັບການເຊື້ອເຊີນດັ່ງກ່າວ.