ກອງປະຊຸມລັດຖະມົນຕີການຕ່າງປະເທດຄັ້ງທີ 4 ກ່ຽວກັບຂະບວນການອິສຕານບູນບັນຫາອັຟການີສະຖານ ໄດ້ຈັດຂຶ້ນຢູ່ຫໍຮັບແຂກເມືອງຕ້ຽວຢີທາຍທີ່ນະຄອນຫຼວງປັກກິ່ງໃນຕອນເຊົ້າວັນທີ 31 ຕຸລານີ້. ທ່ານຫຼີເຄີ້ສຽງ ນາຍົກລັດຖະມົນຕີຈີນ ແລະ ທ່ານອັສຣາຟ ການີ ອາຮ໌ມາດຈາຍ ປະທານາທິບໍດີອັຟການີສະຖານ ໄດ້ຮ່ວມກັນເຂົ້າຮ່ວມກອງປະຊຸມຄັ້ງນີ້.
ໃນເວລາກ່າວຄຳປາໄສ, ທ່ານຫຼີເຄີ້ສຽງ ໄດ້ສະເໜີທັດສະນະ 5 ຂໍ້ຂອງຈີນເພື່ອແກ້ໄຂບັນຫາອັຟການີສະຖານ, ຄື: ຍຶດໝັ້ນໃຫ້ຊາວອັຟການີສະຖານປົກຄອງອັຟການີສະຖານ; ຊຸກຍູ້ຂະບວນການປອງດອງດ້ານການເມືອງ; ເລັ່ງລັດການສ້າງສາເສດຖະກິດຄືນໃໝ່; ຊອກຄົ້ນເສັ້ນທາງພັດທະນາ; ແລະເພີ່ມທະວີການສະໜັບສະໜູນຈາກພາຍນອກ.
ຂະບວນການອິສຕານບູນສ້າງຕັ້ງຂຶ້ນໃນປີ 2011, ເຊິ່ງເປັນກົນໄກຮ່ວມມືຂອງພາກພື້ນທີ່ພົວພັນເຖິງອັຟການີສະຖານທີ່ນຳພາໂດຍປະເທດໃນພາກພື້ນພຽງໜຶ່ງດຽວໃນປັດຈຸບັນ.