(ທ່ານຫຼິວຊີປາວເຂົ້າຢ້ຽມຄຳນັບທ່ານຈູມມາລີ ໄຊຍະສອນ)
ວັນທີ 31 ຕຸລາແລ້ວນີ້, ທ່ານຫຼິວຊີປາວ ກຳມະການກົມການເມືອງສູນກາງພັກກອມມູນິດຈີນ ເລຂາທິການສູນກາງພັກ ຫົວຫນ້າຄະນະໂຄສະນາອົບຮົມສູນກາງພັກກອມມູນິດຈີນໄດ້ນຳພາຄະນະຜູ້ແທນໄປຢ້ຽມຢາມ ສປປ ລາວ, ແລະໄດ້ເຂົ້າຢ້ຽມຄຳນັບທ່ານຈູມມາລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ສປປ ລາວ.
ກ່ອນອື່ນ ທ່ານຫຼິວຊີປາວໄດ້ສົ່ງຄຳຢື້ຢາມຖາມຂ່າວທີ່ສະໜິດສະໜົມຈາກທ່ານເລຂາທິການໃຫຍ່ສີຈິ້ນຜິງໄປຍັງທ່ານຈູມມາລີ ໄຊຍະສອນ. ທ່ານກ່າວວ່າ, ຈີນແລະລາວແມ່ນສອງປະເທດທີ່ມີຊາຕາກຳຮ່ວມກັນທີ່ມີຄວາມໝາຍດ້ານຍຸດທະສາດທີ່ສຳຄັນ.ຈີນຍິນດີຮ່ວມກັບປະເທດລາວ, ຊຸກຍູ້ຄວາມໄວ້ເນື້ອເຊື່ອໃຈເຊິ່ງກັນແລະກັນໃນລະດັບສູງໃນດ້ານການເມືອງ, ການຮ່ວມມືດ້ານເສດຖະກິດໃຫ້ໄດ້ຮັບຜົນປະໂຫຍດຮ່ວມກັນ, ແລະການແລກປ່ຽນດ້ານວັດທະນະທຳ, ຕ່າງຖອດຖອນບົດຮຽນນຳກັນ, ເພີ່ມເນື້ອໃນໃໝ່ແລະຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນລາວຕື່ມອີກ. ທ່ານຈູມມາລີ ໄຊຍະສອນຂໍໃຫ້ທ່ານຫຼິວຊີປາວສົ່ງຄຳຖາມຂ່າວໄປຍັງທ່ານສີຈິ້ນຜິງ,ແລະຊົມເຊີຍກອງປະຊຸມຄົບຄະນະຂອງຄະນະກຳມະການສູນກາງພັກກອມມູນິດຈີນຄັ້ງທີ 4 ສະໄໝທີ 18ໄດ້ໄຂຂຶ້ນຢ່າງປະສົບຜົນສຳເລັດ, ແລະກ່າວວ່າລາວເອົາໃຈໃສ່ໃນລະດັບສູງຕໍ່ການພົວພັນລະຫວ່າງລາວ-ຈີນ, ແລະຍິນດີໃຫ້ການແລກປ່ຽນແລະການຮ່ວມມືລະຫວ່າງສອງພັກແລະສອງລັດກ້າວສູ່ລວງເລິກ.
ວັນທີ 1 ພະຈິກນີ້, ກອງປະຊຸມສຳມະນາທິດສະດີສອງພັກຈີນ-ລາວຄັ້ງທີ 3 ທີ່ຖື " ບົດຮຽນຂອງການສ້າງສາປະເທດທີ່ປົກຄອງດ້ວຍກົດຫມາຍສັງຄົມນິຍົມ" ເປັນຫົວຂໍ້ຫຼັກນັ້ນໄດ້ໄຂຂຶ້ນຢູ່ນະຄອນຫຼວງວຽງຈັນ. ທ່ານຫຼິວຊີປາວ ກັບທ່ານດຣ.ບຸນທອງ ຈິດມະນີ ກຳມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກວດກາສູນກາງພັກປະຊາຊົນປະຕິບັດລາວໄດ້ເຂົ້າຮ່ວມພິທີໄຂກອງປະຊຸມດັ່ງກ່າວແລະໄດ້ກ່າວບົດປາໃສທີ່ມີຫົວຂໍ້ສະເພາະ.
ທ່ານຫຼິວຊີປາວຊີ້ອອກວ່າ, ພັກກອມມູນິດຈີນເອົາໃຈໃສ່ຢ່າງສູງຕໍ່ການສ້າງສາການປົກຄອງດ້ວຍກົດໝາຍ, ກອງປະຊຸມຄົບຄະນະຄັ້ງທີ 4 ສະໄໝທີ 18 ຂອງສູນກາງພັກກອມມູນິດຈີນໄດ້ມີການຈັດວາງບັນຫາສຳຄັນກ່ຽວກັບການຊຸກຍູ້ການປົກຄອງປະເທດດ້ວຍກົດໝາຍຢ່າງຮອບດ້ານ, ເຊິ່ງມີຄວາມໝາຍເລິກເຊິ່ງຍາວໄກ. ພວກຂ້າພະເຈົ້າຈະເຮັດໃຫ້ການຍຶດໝັ້ນການນຳພາຂອງພັກກອມມູນິດຈີນ, ການໃຫ້ປະຊາຊົນເປັນເຈົ້າບ້ານຄອງເມືອງ, ແລະການປົກຄອງປະເທດດ້ວຍກົດຫມາຍນັ້ນເປັນເອກະພາບກັນ, ເດັດດ່ຽວເດີນຕາມເສັ້ນທາງປົກຄອງດ້ວຍກົດຫມາຍສັງຄົມນິຍົມ ມີສີສັນພິເສດຂອງຈີນ, ສ້າງລະບົບການປົກຄອງດ້ວຍກົດໝາຍທີສັງຄົມນິຍົມທີ່ມີສີສັນພິເສດຂອງຈີນ, ສ້າງສາປະເທດສັງຄົມນິຍົມທີ່ປົກຄອງດ້ວຍປົດໝາຍ. ຈີນຍິນດີຮ່ວມກັບລາວເພີ່ມທະວີການແລກປ່ຽນບົດຮຽນໃນການປົກຄອງປະເທດດ້ວຍກົດຫມາຍ, ຍົກຄວາມສາມາດແລະລະດັບກຳອຳນາດຂອງພັກໃຫ້ສູງຂຶ້ນເລື້ອຍໆ. ທ່ານດຣ. ບຸນທອງ ຈິດມະນີ ກ່າວວ່າ, ລາວຍິນດີຮ່ວມກັບຈີນຕ່າງຮ່ຳຮຽນນຳກັນແລະຕ່າງຖອດຖອນເອົາບົດຮຽນກັນ, ແລະເພີ່ມທະວີການສ້າງສາການປົກຄອງດ້ວຍກົດຫມາຍສັງຄົມນີຍົມ.