ໃນກອງປະຊຸມຂ່າວທີ່ຈັດຂຶ້ນໃນວັນທີ 31 ຕຸລາແລ້ວນີ້, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນ ໃຫ້ຮູ້ວ່າ, ທະນາຄານລົງທຶນພື້ນຖານໂຄງລ່າງອາຊີ ຫຼື AIIB ກັບກົນໄກຫຼາຍຝ່າຍທີ່ມີຢູ່ໃນປັດຈຸບັນມີການພົວພັນທີ່ຊ່ວຍຊູຍູ້ໜູນກັນ, ສາມາດເສີມຂະຫຍາຍບົດບາດຂອງໃຜລາວໃນການກໍ່ສ້າງພື້ນຖານໂຄງລ່າງຂອງອາຊີປາຊີຟິກ, ຝ່າຍຈີນຍິນດີຕ້ອນຮັບປະເທດທີ່ກ່ຽວຂ້ອງເຂົ້າຮ່ວມກົນໄກດັ່ງກ່າວ, ທັງຍຶດຖືທ່າທີທີ່ເປີດປະຕູ ແລະ ກວມລວມ.
ທ່ານຫົງເຫຼີຍ ກ່າວວ່າ: ໃນການກະກຽມສ້າງຕັ້ງ AIIB, ຝ່າຍຈີນໄດ້ຮັກສາການແລກປ່ຽນກັບອົສຕຣາລີ, ສ.ເກົາຫຼີ, ອາເມລິກາແລະປະເທດອື່ນໆ, ຍິນດີຕ້ອນຮັບປະເທດຕ່າງໆເຂົ້າຮ່ວມ AIIB, ເພື່ອຮ່ວມກັນຊຸກຍູ້ໃຫ້ເສດຖະກິດພາກພື້ນອາຊີປາຊີຟິກມີການພັດທະນາໃໝ່. ຝ່າຍຈີນຍິນດີຮ່ວມກັບຝ່າຍຕ່າງໆທີ່ກ່ຽວຂ້ອງ, ເພື່ອສ້າງ AIIB ໃຫ້ເປັນເວທີລະດົມທຶນກໍ່ສ້າງພື້ນຖານໂຄງລ່າງອາຊີປາຊີຟິກທີ່ເປີດປະຕູແລະ ກວມລວມ ແລະ ເປັນທະນາຄານພັດທະນາຫຼາຍຝ່າຍ, ຮ່ວມກັນຊຸກຍູ້ພາກພື້ນອາຊີປາຊີຟິກໃຫ້ມີການພັດທະນາ.