ຕອນບ່າຍວັນທີ 31 ຕຸລານີ້, ຢູ່ທີ່ນະຄອນຫຼວງປັກກິ່ງ, ທ່ານຫວາງເຈີ້ງເຫວີຍ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ພົບປະເຈລະຈາກັບທ່ານດິນ ຊຽມຊຸດດິນ, ປະທານຄະນະກຳມະການນັກນິຕິສາດສາສະໜາອິສລາມຂອງອິນໂດເນເຊຍພ້ອມດ້ວຍຄະນະທີ່ໄປຢ້ຽມຢາມ.
ທ່ານຫວາງເຈີ້ງເຫວີຍກ່າວວ່າ, ຈີນແລະອິນໂດເນເຊຍເປັນປະເທດໃຫຍ່ທີ່ພວມພັດທະນາຂອງອາຊີເຊັ່ນກັນ, ພ້ອມກັນນັ້ນກໍ່ແມ່ນປະເທດໃຫຍ່ທີ່ມີຈຳຈວນປະຊາກອນມຸສລິມຫຼາຍ. ໃນຊຸມປີຜ່ານມາ, ຢູ່ລະຫວ່າງວົງການສາສະໜາອິສລາມຂອງສອງປະເທດໄດ້ມີການໄປມາຫາສູ່ກັນທີ່ມີໄມຕີຈິດມິດຕະພາບເລື້ອຍໆ, ຫວັງວ່າສອງຝ່າຍສາມາດເພີ່ມທະວີການແລກປ່ຽນແລະຮ່ວມມືກັນ, ປະກອບສ່ວນເຂົ້າໃນການຂະຫຍາຍການພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ອິນໂດເນເຊຍໃຫ້ກ້າວເຂົ້າສູ່ລວງເລິກ. ທ່ານຫວາງເຈີ້ງເຫວີຍຍັງໄດ້ແນະນຳໃຫ້ແຂກຜູ້ມີກຽດຮູ້ສະພາບການພັດທະນາເສດຖະກິດ-ສັງຄົມ, ວິໄສທັດດ້ານການພົວພັນຕໍ່ຕ່າງປະເທດໂດຍສັນຕິ ນະໂຍບາຍດ້ານຊົນເຜົ່າແລະສາສະໜາຂອງຈີນ.