ວັນທີ 25 ພະຈິກນີ້, ສປປ ເກົາຫຼີ ໄດ້ຈັດກອງປະຊຸມໃຫຍ່ທະຫານແລະປະຊາຊົນແລະການແຫ່ຂະບວນປະທ້ວງທີ່ມີ 1 ແສນຄົນເຂົ້າຮ່ວມຢູ່ສະໜາມຫຼວງກິມອິນຊຸງທີ່ນະຄອນຫຼວງພຽງຢາງ, ເພື່ອປະທ້ວງຕໍ່ຄະນະກຳມະການທີ 3 ຂອງສະມັດຊາໃຫຍ່ອົງການສະຫະປະຊາຊາດທີ່ໄດ້ຜ່ານມະຕິວ່າດ້ວຍ ສິດທິມະນຸດຂອງ ສປປ ເກົາຫຼີ ໃນວັນທີ 18 ພະຈິກນີ້, ແລະກ່າວປະນາມ ອາເມລິກາກໍ່ຄື "ສິດທິກຳລັງຕິດຕາມ"ຂອງເຂົາກໍ່ເລື່ອງຕະຫຼົກກ່ຽວກັບສິດທິມະນຸດຕໍ່ ສປປ ເກົາຫຼີ.
ໃນງານໂຮມຊຸມນຸມຄັ້ງນີ້, ທ່ານກິມກີນາມ, ເລຂາທິການສູນກາງພັກແຮງງານ ສປປ ເກົາຫຼີ ໄດ້ອ່ານຖະແຫຼງການຂອງຄະນະກຳມະການປ້ອງກັນປະເທດຂອງ ສປປ ເກົາຫຼີ ທີ່ໄດ້ຖະແຫຼງໃນວັນທີ 23 ພະຈິກນີ້. ຖະແຫຼງການຂຽນວ່າ: "ສປປ ເກົາຫຼີ ໄດ້ໃຫ້ການຕັກເຕືອນຢ່າງໜັກໜ່ວງຕໍ່ການເຄື່ອນໄຫວຕໍ່ຕ້ານສິດທິມະນຸດຂອງ ສປປ ເກົາຫຼີ ທີ່ອາເມລິກາກໍ່ຄືສິດທິກຳລັງຕິດຕາມຂອງເຂົາເປັນຜູ້ກໍ່ຂຶ້ນ, ຖ້າເຂົາເຈົ້າສືບຕໍ່ຮ່ວມເປັນກ້ອນເປັນກຸ່ມໃສ່ຮ້າຍປ້າຍສີຕໍ່ ສປປ ເກົາຫຼີ ແລະ ເຈດຕະນາຢາກໂຄ່ນລົ້ມລະບອບສັງຄົມນິຍົມຂອງ ສປປ ເກົາຫຼີ, ກໍ່ຈະໄດ້ຮັບການລົງໂທດແລະການໂຈມຕີຢ່າງໄຮ້ຄວາມປານີ."
 |
