ວັນທີ 24 ພະຈິກນີ້, ພັກປະຊາທິປະໄຕຍີ່ປຸ່ນໄດ້ປະກາດຫຼັກການແຂ່ງຂັນການເລືອກຕັ້ງ, ໂດຍໄດ້ກ່າວວ່າ, ຖ້າພັກປະຊາທິປະໄຕຊະນະການເລືອກຕັ້ງສະພາຕ່ຳແລະສາມາດຂຶ້ນເປັນພັກກຳອຳນາດແລ້ວ, ຈະຖອນມະຕິການຍົກເລີກສິດທິການປ້ອງກັນຕົວແບບລວມໝູ່ຂອງລັດຖະບານຊິນໂຈອາເບະ.
ຫຼັກການດັ່ງກ່າວໄດ້ຂຽນວ່າ, ລັດຖະບານຊິນໂຈອາເບະໄດ້ປະໝາດຕໍ່ປະຊາມະຕິແລະລັດຖະສະພາໂດຍການກະທຳບາງຢ່າງເຊັ່ນ, ບັງຄັບຮັບ ຮອງກົດໝາຍວ່າດ້ວຍການປົກປ້ອງຄວາມລັບທີ່ໄດ້ກຳນົດໄວ້, ມະຕິຂອງລັດຖະບານທີ່ຍົກເລີກຂໍ້ຫ້າມການນຳໃຊ້ສິດທິປ້ອງກັນຕົວແບບລວມໝູ່ແລະອື່ນໆຕ້ອງໄດ້ຖືກສະກັດກັ້ນ; ມະຕິຂອງລັດຖະບານທີ່ຍົກເລີກສິດທິປ້ອງກັນຕົວແບບລວມໝູ່ແມ່ນຝືນກັບລັດທິການສ້າງລັດຖະທຳມະນູນ, ເຊິ່ງຕ້ອງໄດ້ຖອນເອົາຄືນ. ຫຼັກການດັ່ງກ່າວຍັງໄດ້ຕຳໜິຕໍ່ນະໂຍບາຍດ້ານເສດຖະກິດແລະດ້ານປະກັນໄພສັງຄົມຂອງລັດຖະບານຊິນໂຈອາເບະ, ໂດຍໄດ້ຊີ້ອອກວ່າ, "ເສດຖະສາດອາເບະ"（Abenomics）ທີ່ລັດຖະບານຊິນໂຈອາເບະຊຸກຍູ້ສົ່ງເສີມນັ້ນ, ບໍ່ໄດ້ເຮັດໃຫ້ເສດຖະກິດຍີ່ປຸ່ນດີຂຶ້ນຢ່າງແທ້ຈິງ, ແຕ່ພັດໄດ້ເພີ່ມພາລະແບກຫາບດ້ານຊີວິດການເປັນຢູ່ຂອງປະຊາຊົນ.
 |
