ວັນທີ 24 ພະຈິກນີ້, ເວັບໄຊຂໍ້ມູນຂ່າວສານດ້ານກົດໝາຍຂອງລັດຖະບານຈີນ ໄດ້ເຜີຍແຜ່ "ຂໍ້ກຳນົດວ່າດ້ວຍການຄວບຄຸມການສູບຢາຢູ່ສະຖານທີ່ສາທາລະນະ" ເຊິ່ງເປັນສະບັບທີ່ນຳສົ່ງໄປຄົ້ນຄວ້າພິຈາລະນາ, ໂດຍມີແຜນຈະຫ້າມສູບຢາຢູ່ສະຖານທີ່ສາທາລະນະໃນຮົ່ມທັງໝົດ. ນີ້ແມ່ນຄັ້ງທຳອິດທີ່ຈີນຮ່າງຂໍ້ກຳນົດເພື່ອຄວບຄຸມຢາສູບຢູ່ຂອບເຂດທົ່ວປະເທດຢ່າງຮອບດ້ານ.
ອີງຕາມຂໍ້ກຳນົດສະບັບດັ່ງກ່າວ, ຢູ່ຂອບເຂດກາງແຈ້ງຂອງສະຖານທີ່ສາທາລະນະທີ່ກຸ່ມຄົນອາຍຸບໍ່ເຖິງກະສຽນເປັນກຸ່ມຄົນເຄື່ອນໄຫວຕົ້ນຕໍ, ຢູ່ຂອບເຂດສິດສອນກາງແຈ້ງຂອງໂຮງຮຽນຊັ້ນສູງ, ຢູ່ຂອບເຂດກາງແຈ້ງຂອງໂຮງໝໍແມ່ແລະເດັກ, ໂຮງໝໍເດັກນ້ອຍ ແລະໂຮງໝໍປະສູດ, ຢູ່ບ່ອນນັ່ງຜູ້ຊົມທີ່ກາງແຈ້ງແລະຂອບເຂດມີການແຂ່ງຂັນໃນສະໜາມກິລາແລະສະໜາມຟິດນິສ, ຢູ່ຂອບເຂດລໍຖ້າພາຫະນະຂົນສົ່ງສາທາລະນະ ແລະຂອບເຂດອື່ນໆກໍຈະຫ້າມສູບຢາຢ່າງຮອບດ້ານເຊັ່ນດຽວກັນ.