ວັນທື 16 ທັນວານີ້, ທ່ານ ເສິນຕ່ານຢາງ, ໂຄສົກກະຊວງການຄ້າຈີນກ່າວວ່າ, ການຊ່ວຍເຫຼືອຕໍ່ຕ່າງປະເທດຂອງຈີນຍຶດໝັ້ນໃຫ້ມີຄວາມໂປ່ງໃສແລະມີການຄຸ້ມຄອງຕາມຫຼັກວິທະຍາສາດ, ທັງຍຶດໝັ້ນໃນຊີວິດການເປັນຢູ່ຂອງປະຊາຊົນເປັນຫຼັກຢ່າງສະເໝີຕົ້ນສະເໝີປາຍ.
ຫວ່າງມໍ່ໆມານີ້, ບົດງາຍງານສະບັບໜຶ່ງຂອງອົງການຄົ້ນຄວ້າແຫ່ງໜຶ່ງອາເມລິກາໄດ້ລາຍງານວ່າ, ເງິນກ້ອນໃຫຍ່ທີ່ຈີນຊ່ວຍເຫຼືອໃຫ້ອາຟຣິການັ້ນ, ສ່ວນຫຼາຍແມ່ນຖືກໃຊ້ໃນບ້ານເກີດຂອງຜູ້ນຳການເມືອງທ້ອງຖິ່ນ. ຕໍ່ເລື່ອງນີ້, ທ່ານ ເສິນຕ່ານຢາງໄດ້ຕອບໂຕ້ວ່າ, ການຊ່ວຍເຫຼືອຕໍ່ຕ່າງປະເທດຂອງຈີນມີຈຸດປະສົງເພື່ອຊ່ວຍໃຫ້ປະເທດທີ່ໄດ້ຮັບການຊ່ວຍເຫຼືອນັ້ນຫຼຸດພົ້ນອອກຈາກຄວາມທຸກຍາກແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ຊຸກຍູ້ການພັດທະນາແລະຄວາມກ້າວໜ້າທາງດ້ານເສດຖະກິດ-ສັງຄົມແລະເພີ່ມຄວາມສາມາດໃຫ້ແກ່ປະເທດທີ່ໄດ້ຮັບການຊ່ວຍເຫຼືອມີການພັດທະນາປະເທດຕົນ. ເຊິ່ງໃນຮອບ 60 ປີມານີ້, ຈຸດປະສົງດັ່ງກ່າວບໍ່ມີການປ່ຽນແປງແຕ່ຢ່າງໃດ, ແລະໄດ້ຮັບຄວາມເຫັນດີເຫັນພ້ອມໃນລະດັບສູງຈາກລັດຖະບານແລະປະຊາຊົນຂອງບັນດາປະເທດກຳລັງພັດທະນາ, ເຊິ່ງຄວາມເຫັນຂອງອົງການບາງແຫ່ງໃນບັນດາປະເທດຕາເວັນຕົກຖ້າບໍ່ແມ່ນມີຈຸດ ປະສົງທີ່ແອບແຝງຕ່າງຫາກ, ກໍແມ່ນບໍ່ມີຫຼັກຖານອ້າງອີງແຕ່ຢ່າງໃດ.