ວັນທີ 16 ທັນວານີ້, ທ່ານຕຸງຈ້ຽນຮວາ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ກ່າວຢູ່ເຂດບໍລິຫານພິເສດຮົງກົງວ່າ, ການຍຶດຄອງເຂດຈົ່ງຫວນໄດ້ສ້າງຄວາມເສຍຫາຍຢ່າງຫຼວງຫຼາຍແກ່ຮົງກົງ, ສັງຄົມຮົງກົງຄວນຈົດຈຳຜົນກະທົບແລະປະສົບການຈາກຂະບວນການຜິດກົດໝາຍດັ່ງກ່າວນີ້.
ວັນທີ 16 ທັນວານີ້, ທ່ານຕຸງຈ້ຽນຮວາໄດ້ໃຫ້ສຳພາດຕໍ່ນັກຂ່າວວ່າ, ການຍຶດຄອງເຂດຈົ່ງຫວນໄດ້ສ້າງຄວາມເສຍຫາຍຢ່າງຫຼວງຫຼາຍແກ່ຮົງກົງ, ເຊິ່ງໄດ້ສົ່ງຜົນກະທົບທີ່ບໍ່ເຄີຍມີມາໃນເມື່ອກ່ອນຕໍ່ຄວາມເປັນລະບຽບຮຽບຮ້ອຍຂອງສັງຄົມ. ເຊິ່ງໄດ້ດຳເນີນມາເປັນເວລາຍາວນານແລະໃນບໍລິເວນທີ່ກວ້າງຂວາງ. ສັງຄົມຮົງກົງໄດ້ສັງເກດເຫັນຢ່າງຈະແຈ້ງວ່າ, ຄວາມຈະເລີນຮຸງເຮື່ອງແລະສະຖຽນລະພາບທີ່ໄດ້ຄຸ້ມເຄີຍນັ້ນ, ບໍ່ແມ່ນວິວັດການຈະ ຕ້ອງເປັນໄປ, ແລະຈິດໃຈການປົກຄອງຕາມກົດໝາຍທີ່ຮົງກົງພາກພູມໃຈຫຼາຍນັ້ນກໍຈະຖືກກະທົບຢ່າງ ໜັກໜ່ວງ, ສັງຄົມຮົງກົງຄວນຈົດຈຳຜົນກະ ທົບແລະປະສົບການຈາກຂະບວນການຜິດກົດໝາຍດັ່ງກ່າວນີ້, ທະນຸຖະໜອມສະພາບໃນປະຈຸບັນ, ສາມັກຄີກັນ, ທຳຄວາມພະຍາຍາມອັນຫຼາຍຂຶ້ນ ກວ່າເກົ່າເພື່ອອະນາຄົດຂອງຮົງກົງ.
ທ່ານຕຸງຈ້ຽນຮວາເຫັນວ່າ, ໃນການແກ້ໄຂຂະບວນການຜິດກົດໝາຍດັ່ງກ່າວນີ້, ກອງຕຳຫຼວດຮົງກົງໄດ້ສະແດງຄວາມເກັ່ງກ້າສາມາດແລະອາລິຍະທຳຂອງຕົນເອງ, ເຊິ່ງສັງຄົມຄວນມີຄວາມພາກພູມໃຈຕໍ່ເຂົາເຈົ້າ.