ກົມໃຫຍ່ພະລາທິການກອງທັບປົດປ່ອຍປະຊາຊົນຈີນໄດ້ແຈ້ງໃຫ້ຊາບວ່າ, ວັກແຊງອີໂບລາທີ່ຄົ້ນຄວ້າຜະລິດຢ່າງເປັນເຈົ້າຕົນເອງໂດຍທີມງານປະດິດສ້າງທີ່ນຳພາໂດຍທ່ານນາງເສິນເວີຍ ຫົວໜ້າສະຖາບັນຄົ້ນຄວ້າໂຄງການຊີວະວິທະຍາສະຖາບັນວິທະຍາສາດແພດສາດການທະຫານຈີນໄດ້ຮັບການອະນຸມັດນຳໃຊ້ເຂົ້າໃນການປິ່ນປົວ ເຊິ່ງເຂົ້າສູ່ໄລຍະການທົດລອງດ້ວຍຮ່າງກາຍຄົນ. ນີ້ແມ່ນວັກແຊງອີໂບລາຊະນິດທີສາມທີ່ໄດ້ນຳໃຊ້ເຂົ້າໃນການທົດລອງປິ່ນປົວ ເຊິ່ງຖັດຈາກອາເມລິກາແລະການາດາ.
ພາຍຫຼັງຊ່ຽວຊານດ້ານຊີວະວິທະຍາ 17 ທ່ານເຊິ່ງໃນນັ້ນລວມທັງທ່ານເສິນເປເຟີ້ນ ສະມາຊິກສະຖາບັນວິສະວະກຳຈີນໄດ້ພິຈາລະນາປະເມີນຜົນແລ້ວເຫັນວ່າ, ວັກແຊງອີໂບລາຂອງຈີນແມ່ນໄດ້ນຳໃຊ້ແຊນທີ່ກາຍພັນ ຮຸ່ນ2014 ເຊິ່ງມີຄຸນລັກສະນະສາມາດໝັ້ນຄົງຢູ່ໃນສະພາບແວດລ້ອມທີ່ມີອຸນຫະພູມ 37 ອົງສາໄດ້ ເປັນເວລາ 2 ອາທິດຂຶ້ນໄປ. ສ່ວນວັກແຊງອີໂບລາທີ່ຕ່າງປະເທດກຳລັງຄົ້ນຄວ້ານຳໃຊ້ໃນການປິ່ນປົວນັ້ນລ້ວນແຕ່ເປັນວັກແຊງທາດແຫຼວຮຸ່ນ 1976, ຕ້ອງການຮັກສາແລະຂົນສົ່ງພາຍໃນກໍລະນີອຸນຫະພູມ ລົບ 80 ອົງສາ.