ວັນທີ 19 ທັນວານີ້, ທ່ານຫຼີເຄີ້ສຽງ, ນາຍົກລັດຖະມົນຕີຈີນຈະເດີນທາງໄປເຂົ້າຮ່ວມກອງປະຊຸມອະນຸພາກພື້ນແມ່ນ້ຳຂອງທີ່ຈະຈັດຂຶ້ນຢູ່ໄທ, ເພື່ອຮອດເວລານັ້ນ, ຈີນຈະອາດຈະເຊັນບົດບັນທຶກຄວາມເຂົ້າໃຈກັນກ່ຽວກັບການຮ່ວມມືດ້ານທາງລົດໄຟກັບໄທ, ເພື່ອເພີ່ມທະວີການຮ່ວມມືລະຫວ່າງຈີນ-ອາຊຽນໃນຂົງເຂດການເຊື່ອມຈອດກັນຕື່ມອີກ.
ອົງການທາງລົດໄຟຄຸນໝິງຂອງຈີນໃຫ້ຮູ້ໃນວັນທີ 17 ທັນວານີ້ວ່າ, ແຂວງຢຸນນານຂອງຈີນພວມຊຸກຍູ້ການສ້າງທາງລົດໄຟຂ້າມແດນແຕ່ແຂວງຢຸນນານໄປຫາອາຊີຕາເວັນອອກສຽງໃຕ້ 4 ສາຍຢ່າງຮອບ
ດ້ານ, ຄື: ທາງລົດໄຟຈີນ-ຫວຽດນາມ, ທາງລົດໄຟຈີນ-ລາວ, ທາງລົດໄຟຈີນ-ມຽນມາ, ແລະທາງລົດໄຟຈີນ-ມຽນມາ-ອິນໂດເນເຊຍ. ໃນນັ້ນ, ທາງລົດໄຟແຕ່ນະຄອນຄຸນໝິງໄປຫາເມືອງເຫີໂຂວທີ່ເປັນທາງລົດໄຟຂ້າມຊາຍແດນທີ່ໄດ້ມາດຕະຖານສາຍທຳອິດຂອງຈີນໄດ້ເລີ່ມດຳເນີນງານຢ່າງຮອບດ້ານແລ້ວ.
ໃນຂົງເຂດທາງຫຼວງ, ການເຊື່ອມຈອດກັນດ້ານທາງດ່ວນລະຫວ່າງເຂດກວາງຊີຂອງຈີນ-ອາຊຽນໄດ້ມີເຖິງ 4 ສາຍແລ້ວ. ນອກນີ້, ແຂວງຢຸນນານກໍ່ໄດ້ພະຍາຍາມສ້າງຕາໜ່າງທາງດ່ວນ "ຂ້າມແດນ 4 ສາຍ" ໂດຍແມ່ນນະຄອນຄຸນໝິງເປັນໃຈກາງ. ທາງດ່ວນຂ້າມແດນ 4 ສາຍດັ່ງກ່າວແມ່ນ: ທາງດ່ວນແຕ່ນະຄອນຄຸນໝິງໄປຫານະຄອນຫຼວງບາງກອກຂອງໄທ, ທາງດ່ວນແຕ່ນະຄອນຄຸນໝິງໄປຫານະຄອນຫຼວງຮ່າໂນ້ຍແລະຮາຍຟອງຂອງຫວຽດນາມ, ທາງດ່ວນແຕ່ຈີນໄປຫາມິດຄີນາຂອງມຽນມາແລະທາງດ່ວນແຕ່ຈີນໄປຫາມານເດີລາຂອງມຽນມາ.
 |
