ຕອນຄໍ່າວັນທີ 17 ທັນວານີ້, ການເຈລະຈາຮອບດ້ານກ່ຽວກັບບັນຫານິວເຄລຍຂອງອີຣານຮອບໃໝ່ລະຫວ່າງອີີຣານກັບ 6 ປະເທດບັນຫານິວເຄລຍອີຣານ ຄື ອາເມລິກາ, ອັງກິດ, ຝຣັ່ງ, ຣັດເຊຍ, ຈີນ ແລະເຢຍລະມັນ ໄດ້ອັດລົງຢູ່ນະຄອນເຊີແນວຂອງສະວິສ. ທ່ານຫວາງຊູນ, ຫົວໜ້າກົມຄວບຄຸມກໍາລັງຮົບກະຊວງການຕ່າງປະເທດຈີນທີ່ນໍາພາຄະນະເຂົ້າຮ່ວມການເຈລະຈາຮອບນີ້ ກ່າວວ່າ, ການເຈລະຈາຮອບນີ້ໄດ້ດໍາເນີນໄປຢ່າງເຄັ່ງຕຶງ, ມີລັກສະນະຕິດແທດກັບຕົວຈິງ ແລະມີປະສິດທິຜົນທີ່ອຸດົມສົມບູນ.
ທ່ານຫວາງຊູນກ່າວວ່າ, ຝ່າຍຕ່າງໆທີ່ກ່ຽວຂ້ອງຄວນທະນຸຖະໜອມທ່າອ່ຽງທີ່ດີຂອງການເຈລະຈາໃນປັດຈຸບັນ, ຍຶດໝັ້ນໃນຄວາມຮັບຮູ້ທີ່ເປັນເອກະສັນກັນທີ່ໄດ້ບັນລຸໃນໄລຍະທີ່ຜ່ານມາ, ເອົາໃຈໃສ່ແລະຫຼຸດຜ່ອນຂໍ້ຂັດແຍ້ງກັນ ແລະທໍາການຕົກລົງດ້ານການເມືອງໂດຍໄວ. ພວກເຮົາກໍຫວັງວ່າ ແນວຄິດແລະແຜນການທີ່ກ່ຽວຂ້ອງກັບການແກ້ໄຂບັນຫາຈຸດສຸມທີ່ຈີນສະເໜີອອກມາໃນການເຈລະຈາຮອບກ່ອນນັ້ນ ຈະມີຜົນດີຕໍ່ການຫຼຸດຜ່ອນຂໍ້ຂັດແຍ້ງກັນຕື່ມອີກ ແລະບັນລຸສັນຍາຮອບດ້ານແບບຕ່າງຝ່າຍຕ່າງມີຜົນປະໂຫຍດໂດຍໄວ.
