ວັນທີ 17 ທັນວານີ້, ສະພາຄວາມໝັ້ນຄົງສະຫະປະຊາຊາດໄດ້ຮັບຮອງມະຕິຢ່າງເປັນເອກະສັນກັນວ່າ, ຈະແກ່ຍາວເວລາ 1 ປີໃນການມອບສິດກ່ຽວກັບການຂ້າມຊາຍແດນສະໜອງການຊ່ວຍເຫຼືອຕໍ່ຊີຣີຂອງອົງການມະນຸດສະທຳສະຫະປະຊາຊາດພ້ອມຄູ່ປະຕິບັດງານໃຫ້ໄປຮອດວັນທີ 10 ມັງກອນປີ 2016.
ໃນມະຕິໄດ້ລະບຸໄວ້ວ່າ, ພາຍໃຕ້ສະພາບການທີ່ອົງການມະນຸດສະທຳຂອງສະຫະປະຊາຊາດແລະອົງການປະຕິບັດງານທີ່ກ່ຽວຂ້ອງໄດ້ແຈ້ງໃຫ້ເຈົ້າໜ້າທີ່ຊີຣີຊາບ, ນອກຈາກເສັ້ນທາງທີ່ກຳລັງນຳໃຊ້ແລ້ວ, ອົງການດັ່ງກ່າວຍັງສາມາດນຳໃຊ້ເສັ້ນທາງທີ່ແລ່ນກາຍບ່ອນປະທະກັນແລະດ່ານຊາຍແດນລະ ຫວ່າງຊີຣີກັບຕວກກີ, ອີຣັກແລະຊັອກດານີ 4 ແຫ່ງ, ເພື່ອສົ່ງເຄື່ອງຊ່ວຍເຫຼືອມະນຸດສະທຳໄປຮອດແຫ່ງຕ່າງໆຂອງຊີຣີ.
ມະຕິຍັງໄດ້ລະບຸໄວ້ວ່າ, ພາຍຫຼັງສະພາຄວາມໝັ້ນຄົງໄດ້ຮັບຮອງມະຕິທີ່ກ່ຽວຂ້ອງໃນເດືອນກໍລະກົດປີນີ້ແລ້ວ, ສະຫະປະຊາຊາດແລະຄູ່ປະຕິບັດງານ ໄດ້ຂ້າມຜ່ານຊາຍແດນແລະສົ່ງເຄື່ອງຊ່ວຍເຫຼືອມະນຸດສະທຳໄປຮອດເຂດຫ່າງໄກສອກຫຼີກຢູ່ແຂວງ ອາເລັບໂປ, ອີດິບ ແລະ ລາຕາເກຍ ຂອງຊີຣີ, ແຕ່ປະຊາຊົນທີ່ຢູ່ ເຂດຫ່າງໄກສອກຫຼີກແລະເຂດທີ່ຖືກປິດລ້ອມສ່ວນຫຼາຍແມ່ນໄດ້ຮັບການຊ່ວຍເຫຼືອໄດ້ຍາກ.