ວັນທີ 17 ທັນວານີ້, ທະນາຄານພັດທະນາອາຊີຫຼື ADB ໄດ້ອອກບົດລາຍງານວ່າ, ປະຈຸບັນ, ລາຄາຂອງນ້ຳມັນເຊື້ອໄຟມີການຫຼຸດລົງ, ແມ່ນໂອກາດທີ່ສຳຄັນສຳລັບການພັດທະນາເສດຖະກິດໃນອະນາຄົດຂອງອາຊີ.
ທ່ານເວີ້ຍຊ້າງຈິ້ນ, ຫົວນ້ານັກເສດຖະສາດຂອງທະນາຄານພັດທະນາອາຊີກ່າວວ່າ, ເຖິງແມ່ນວ່າໃນສາມໄຕມາດມານີ້, ຈັງຫວະການເຕີບໂຕຂອງເສດຖະກິດໄດ້ຕ່ຳກວ່າການຄາດຄະເນກໍຕາມ, ເນື່ອງຈາກວ່າອົງກອນເສດຖະກິດໃນອາຊີສ່ວນຫຼາຍແມ່ນປະເທດນຳເຂົ້ານ້ຳມັນເຊື້ອໄຟ, ດ້ວຍເຫດນີ້, ການຫຼຸດລາຄາຂອງນ້ຳມັນເຊື້ອໄຟໃນປະຈຸບັນ, ໝາຍຄວາມວ່າໃນປີ 2015, ເສດຖະກິດອາຊີອາດຈະເພີ່ມຂຶ້ນຢ່າງວອງໄວ.
ຕາມບົດລາຍງານ ວິໄສທັດການພັດທະນາຂອງອາຊີປີ 2014 ທີ່ເຜີຍແຜ່ອອກໃນຫວ່າງມໍ່ໆມານີ້, ທະນາຄານພັດທະນາອາຊີໄດ້ປັບຫຼຸດລະດັບຄາດຄະເນຕໍ່ການເຕີບໂຕທາງເສດຖະກິດຂອງອາຊີ. ທະນາຄານພັດທະນາອາຊີຄາດວ່າ, ຈັງຫວະການເຕີບໂຕທາງເສດຖະກິດຂອງອາຊີໃນປີນີ້ແມ່ນ 6,1%, ແຕ່ໃນເດືອນກັນຍາປີນີ້, ຕົວເລກດັ່ງກ່າວແມ່ນ 6,2%; ຈັງຫວະການເຕີບໂຕທາງເສດຖະກິດຂອງອາຊີໃນປີ 2015 ແມ່ນ 6,2%, ເຊິ່ງຕ່ຳກວ່າ 6,4% ທີ່ໄດ້ຄາດຄະເນໃນເດືອນກັນຍາປີນີ້.