ວັນທີ 27 ມັງກອນນີ້, ດ່ານການຄ້າຊາຍແດນຈີນ-ມຽນມາໄດ້ແຈ້ງໃຫ້ຊາບວ່າ ຈີນມີແຜນຈະເປີດດ່ານການຄ້າຊາຍແດນແຫ່ງໃໝ່ຢູ່ເຂດ ຫວານຕິ່ງທີ່ຊາຍແດນລະຫວ່າງຈີນ-ມຽນມາ. ປັດຈຸບັນ, ລັດຖະບານຈີນ-ມຽນມາກຳລັງປຶກສາຫາລືເລື່ອງນີ້ຢູ່. ພາຍຫຼັງດ່ານຊາຍແດນດັ່ງກ່າວເປີດນຳໃຊ້ຢ່າງເປັນທາງການແລ້ວ, ແຂວງຢຸນນານຈະມີ "ທາງຜ່ານໃຫຍ່"ຂ້າມຊາຍແດນສາຍໃໝ່ ທີ່ເປີດປະຕູສູ່ພາຍນອກອີກສາຍໜຶ່ງ.
ປັດຈຸບັນ, ແຂວງຢຸນນານໄດ້ເປີດການນຳໃຊ້ດ່ານພາສີ 20 ກວ່າແຫ່ງແລ້ວ ເຊິ່ງໃນນີ້ໄດ້ຖືດ່ານຢຸ້ຍລີ້, ດ່ານໂຮ່ໂຂ້ວ, ດ່ານໂຫສຽວເຖິງຊົງ, ດ່ານບໍ່ຫານແລະສະໜາມບິນຄຸນມິງເປັນໃຈກາງ ແລະປະກອບມີດ່ານທາງບົກ,ທາງນ້ຳແລະທາງອາກາດຢ່າງຄົບຊຸດແລະເປີດປະຕູສູ່ພາຍນອກຢ່າງຮອບດ້ານ.