ບົດລາຍງານສືບສວນໄລຍະກາງຂອງອຸບັດເຫດເຮືອບິນໂດຍສານຖ້ຽວບິນ MH370 ຂອງບໍລິສັດການບິນມາເລເຊຍຫາຍສາບສູນນັ້ນຈະເປີດເປີຍໃນຕົ້ນເດືອນມີນາປີນີ້
2015-01-28 16:25:31 cri
ວັນທີ 7 ມີນາປີນີ້, ກົມການບິນພົນລະເຮືອນມາເລເຊຍຈະເປີດເຜີຍບົດລາຍງານສືບສວນໄລຍະກາງກ່ຽວກັບ ອຸບັດເຫດເຮືອບິນໂດຍສານຖ້ຽວບິນ MH370 ຂອງບໍລິສັດການບິນມາເລເຊຍຫາຍສາບສູນ. ເນື່ອງຈາກວ່າການຊອກຄົ້ນຫາເຮືອບິນທີ່ຫາຍສາບສູນໄປນັ້ນກຳລັງດຳເນີນຢູ່, ດ້ວຍເຫດນີ້ ມາເລເຊຍຈິ່ງບໍ່ໄດ້ໃຫ້ຂໍ້ສະຫຼຸບກ່ຽວກັບເຮືອບິນລຳນີ້ວ່າຢູ່ໃນສະພາບໃດ. ບົດລາຍງານສືບສວນຈະຖືກເປີດເຜີຍໃນເວັບໄຊຂອງກົມການບິນພົນລະເຮືອນມາເລເຊຍ ເຊິ່ງມີເນື້ອໃນກ່ຽວກັບຜົນການສືບສວນມາຮອດປັດຈຸບັນກ່ຽວກັບອຸບັດເຫດໃນຄັ້ງນີ້. ວັນທີ 8 ມີນາ 2014, ເຮືອບິນໂດຍສານຖ້ຽວບິນMH370 ຂອງບໍລິສັດການບິນມາເລເຊຍທີ່ບິນອອກຈາກກົວລາລຳເປີໄປສູ່ປັກກິ່ງໄດ້ຫາຍສາບສູນໄປ, ຈົນມາຮອດປັດຈຸບັນ ເຮືອບິນພ້ອມດ້ວຍຜູ້ໂດຍສານແລະຈຸບິນ 239 ຄົນທີ່ຢູ່ໃນເຮືອບິນ ກໍຍັງບໍ່ທັນຊອກໄດ້ເທື່ອ.