ທ່ານນາງຮວ້າຊຸນຢິງ, ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 27 ມັງກອນນີ້ວ່າ: ຝ່າຍຈີນຍິນດີພະຍາຍາມຮ່ວມກັບຝ່າຍອິນໂດເນເຊຍ, ເພື່ອຊຸກຍູ້ການຮ່ວມມືດ້ານການປະມົງລະຫວ່າງສອງປະເທດໃຫ້ມີການພັດທະນາຢ່າງປອດໃສແລະໝັ້ນທ່ຽງ.
ເຈົ້າໜ້າທີ່ກະຊວງການປະມົງທາງທະເລອິນໂດເນເຊຍ ກ່າວວ່າ: ອີງຕາມກົດລະບຽບທີ່ວາງອອກໃໝ່, ລັດຖະບານອິນໂດເນເຊຍໄດ້ຫ້າມບໍ່ໃຫ້ເຮືອປະມົງຕ່າງປະເທດດຳເນີນການປະມົງຢ່າງຂະໜາດໃຫຍ່ຢູ່ນ່ານທະເລຂອງປະເທດຕົນ, ສ່ວນສັນຍາຮ່ວມທຶນໃນຂົງເຂດທີ່ກ່ຽວຂ້ອງທີ່ໄດ້ເຊັນກັນກ່ອນໜ້ານີ້ຈະບໍ່ມີຜົນສັກສິດອີກແລ້ວ, ປະເທດຈຳນວນໜຶ່ງເຊິ່ງລວມທັງຈີນອາດຈະໄດ້ຮັບຜົນກະທົບຈາກການຕົກລົງຂອງລັດຖະບານອິນໂດເນເຊຍ.
ຕໍ່ເລື່ອງນີ້, ທ່ານນາງຮວ້າຊຸນຢິງ ໄດ້ໃຫ້ຄຳຕອບວ່າ: ປັດຈຸບັນ, ພາກສ່ວນຄຸ້ມຄອງການປະມົງຂອງສອງປະເທດຈີນ ແລະ ອິນໂດເນເຊຍກຳລັງຮັກສາການແລກປ່ຽນກ່ຽວກັບບັນຫາລະອຽດໃນການຮ່ວມມືດ້ານການປະມົງລະຫວ່າງສອງຝ່າຍ. ຝ່າຍຈີນຫວັງວ່າລັດຖະບານອິນໂດເນເຊຍຈະປົກປ້ອງຜົນປະໂຫຍດຂອງວິສາຫະກິດຈີນທີ່ລົງທຶນຢູ່ອິນໂດເນເຊຍ ແລະ ສິດຜົນປະໂຫຍດອັນຊອບດ້ວຍກົດໝາຍຂອງພະນັກງານພາຍໃນເຮືອຈີນ.