ວັນທີ 27 ມັງກອນນີ້, ຢູ່ນະຄອນຫຼວງປັກກິ່ງຂອງຈີນ, ທ່ານຫວາງເກີ່ງໜຽນ, ຜູ້ວ່າການວິທະຍຸສາກົນແຫ່ງປະເທດຈີນ ຫຼື CRI ໄດ້ພົບປະກັບທ່ານເດີມີຕຣີ ກີເຊເລຟ, ຜູ້ວ່າການສໍານັກຂ່າວສານ Russia Today ທີ່ເດີນທາງມາຢ້ຽມຢາມຈີນ.
ໂອກາດພົບປະກັນ, ສອງຝ່າຍໄດ້ບັນລຸຄວາມເຫັນທີ່ເປັນເອກະສັນກັນກ່ຽວກັບການລາຍງານຂ່າວຮ່ວມກັນກ່ຽວກັບກິດຈະກໍາລະນຶກວັນໄຊຊະນະສົງຄາມຕໍ່ຕ້ານຟາຊິດຂອງໂລກຄົບຮອບ 70 ປີ ແລະວັນໄຊຊະນະສົງຄາມຕໍ່ຕ້ານຍີ່ປຸ່ນຂອງປະຊາຊົນຈີນຄົບຮອບ 70 ປີີ. CRI ແລະ RT ໄດ້ວາງແຜນຈະປະສານສົມທົບກັນໃນດ້ານຊັບພະຍາກອນທ່າແຮງຂອງຕົນ, ສະໜັບສະໜູນເຊິ່ງກັນແລະກັນໃນດ້ານການລາຍງານຂ່າວ ແລະຮ່ວມກັນຈັດທໍາລາຍງານ.
ນອກນີ້, ໃນຖານະທີ່ເປັນປະທານຮ່ວມຂອງສະພາສື່ມວນຊົນຂອງຄະນະກໍາມະການໄມຕີຈິດມິດຕະພາບ, ສັນຕິພາບ ແລະການພັດທະນາຈີນ-ຣັດເຊຍ, ທ່ານຫວາງເກີ່ງໜຽນແລະທ່ານກີເຊເລຟຍັງໄດ້ແຈ້ງວຽກງານແລະຂໍ້ສະເໜີຕໍ່ກັນກ່ຽວກັບການກະກຽມກໍ່ສ້າງກົນໄກແລກປ່ຽນແລະປະສານງານລະຫວ່າງສື່ມວນຊົນຈີນ-ຣັດເຊຍ.
