ວັນທີ 27 ມັງກອນນີ້, ເຈົ້າໜ້າທີ່ທະຫານອິນໂດເນເຊຍໄດ້ປະກາດວ່າ, ການກູ້ເອົາຊາກເຮືອບິນໂດຍສານຖ້ຽວບິນ QZ8501 ທີ່ເກີດອຸປັດຕິເຫດຕົກຂອງບໍລິສັດການບິນອາຊີທີ່ດຳເນີນເປັນເວລາ 31 ມື້ນັ້ນ, ໄດ້ສິ້ນສຸດລົງຢ່າງເປັນທາງການ.
ຜູ້ບັນຊາການຂອງກອງກຳປັ່ນຕາເວັນຕົກຂອງກອງທັບເຮືອອິນໂດເນເຊຍໄດ້ກ່າວໃນມື້ດຽວກັນວ່າ, ການກູ້ເອົາຊາກເຮືອບິນໂດຍສານທີ່ເກີດອຸປັດຕິເຫດຕົກໄດ້ສິ້ນສຸດລົງຢ່າງເປັນທາງການແລ້ວ, ມາຮອດວັນທີ 27 ມັງກອນນີ້, ພະນັກງານຄົ້ນຫາແລະກູ້ໄພໄດ້ກູ້ເອົາຊາກສົບຂອງຜູ້ໂດຍສານທີ່ປະສົບເຄາະຮ້າຍ 70 ສົບ, ແລະບໍ່ສາມາດກູ້ເອົາຊາກສົບຂອງຜູ້ເສຍຊີວິດທີ່ຍັງເຫຼືອນັ້ນຕື່ມອີກ.
ປະຈຸບັນ, ພະນັກງານສຳຫຼວດກຳລັງຖອດລະຫັດຈາກກັບດຳຂອງເຮືອບິນໂດຍສານຢູ່, ເພື່ອຢືນຢັນສາເຫດເກີດອຸປັດຕິເຫດຕົກ.