ວັນທີ 27 ມັງກອນນີ້ ແມ່ນ "ວັນລະນຶກເຫດການສັງຫານໝູ່ສາກົນ". ໃນມື້ດຽວກັນ, ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດໄດ້ກ່າວຄຳປາໄສວ່າ: ປະຊາຄົມໂລກຄວນສາມັກຄີກັນ, ທຳຄວາມພະຍາຍາມທົບເທົ່າ, ເພື່ອສ້າງໂລກໃຫ້ມີການຜ່ອນຜັນແລະເຄົາລົບເຊິ່ງກັນແລະກັນ.
ທ່ານບັນກີມູນກ່າວຕື່ມວ່າ: ໂລກປັດຈຸບັນ ຍັງຄົງໄດ້ຖືກການທ້າທາຍຈາກອະຄະຕິ, ການປະທະກັນດ້ວຍຮູບການຕ່າງໆກໍໄດ້ເພີ່ມຂຶ້ນຢ່າງບໍ່ຢຸດຢັ້ງ, ການຫຼອນໂຈມຕີຕໍ່ຕ້ານຊາວຢິວນັ້ນຍັງຄົງມີຢູ່, ກຸ່ມຄົນທີ່ດ້ອຍໂອກາດໃນແຫ່ງຕ່າງໆທົ່ວໂລກ ກໍຍັງຄົງດຳລົງຊີວິດຢູ່ໃນຄວາມຢ້ານກົວຕໍ່ຄວາມຮຸນແຮງ.
ທ່ານບັນກີມູນກ່າວອີກວ່າ: ຄວາມຮຸນແຮງແລະອະຄະຕິເຫຼົ່ານີ້ໄດ້ຕັກເຕືອນໃຫ້ປະຊາຄົມໂລກວ່າ, ຍັງຕ້ອງທຳຄວາມພະຍາຍາມຕື່ມອີກໃນການປົກປ້ອງສິດທິມະນຸດ, ປ້ອງກັນບໍ່ໃຫ້ເກີດເຫດການສັງຫານໝູ່ ແລະປົກປ້ອງທົ່ວມວນມະນຸດ.