ຕາມຂ່າວສານຈີນ: ວັນທີ 25 ກຸມພານີ້, ຄະນະກຳມະການເສດຖະກິດສັງຄົມອາຊີປາຊິຟິກ (ຫຼືແອສກັບ) ອົງການສະຫະປະຊາຊາດໄດ້ເຜີຍແຜ່ບົດລາຍງານສະບັບຫຼ້າສຸດ ໂດຍຂຽນວ່າ, ໃນໄພທຳມະຊາດຈຳນວນ 226 ເທື່ອທີ່ເກີດຂຶ້ນໃນທົ່ວໂລກເມື່ອປີ 2014, ໃນນີ້ມີ 119 ເທື່ອເກີດຂຶ້ນຢູ່ພາກພື້ນອາຊີປາຊີຟິກ, ອັນໄດ້ສ້າງຄວາມເສຍຫາຍທາງດ້ານເສດຖະກິດສູງເຖິງ 59 ຕື້ 600 ລ້ານໂດລາສະຫະລັດ.
"ບົດລາຍງານວ່າດ້ວຍການຫວນຄືນໄພທຳມະຊາດອາຊີປາຊິຟິກປີ 2014" ສະບັບນີ້ ຊີ້ອອກວ່າ, ເຖິງວ່າໃນປີທີ່ຜ່ານມານີ້ ບໍ່ໄດ້ເກີດໄພແຜ່ນດິນໄຫວຫຼືຄື້ນຊຸນາມິທີ່ຮ້າຍແຮງທີ່ສຸດກໍຕາມ, ແຕ່ຢູ່ພາກພື້ນອາຊີປາຊິຟິກ ຍັງໄດ້ເກີດໄພພາຍຸຝົນຕົກແຮງ, ໄພນ້ຳຖ້ວມ ແລະດິນພູເຈື່ອນທີ່ໜັກໜ່ວງ, ເຊິ່ງມີຜູ້ປະສົບໄພ 79 ລ້ານ 6 ແສນຄົນ, ແລະມີ 6.050 ຄົນເສຍຊີວິດ.
ບົດລາຍງານສະບັບນີ້ເຫັນວ່າ, ພາກພື້ນອາຊີປາຊິຟິກໄດ້ມີການຮັບມືໄພພິບັດທາງທຳມະຊາດຕ່ຳ ເປັນຕົ້ນໄພນ້ຳຖ້ວມຂ້າມຊາດແລະດິນພູເຈື່ອນ, ສ່ວນການປ່ຽນແປງຂອງດິນຟ້າອາກາດທົ່ວໂລກ ມີຄວາມອາດເປັນໄປໄດ້ຫຼາຍທີ່ສຸດທີ່ຈະເຮັດໃຫ້ເກີດໄພທຳມະຊາດເຫຼົ່ານີ້, ທັງນີ້ກໍຕ້ອງການເພີ່ມທະວີການແລກປ່ຽນຂໍ້ມູນຂ່າວສານ, ແລະເພີ່ມທະວີການປະສານງານແລະຮ່ວມມືກັນໃນດ້ານເຕືອນໄພແລະຈັດວາງປະຊາຊົນໄປຢູ່ບ່ອນທີ່ປອດໄພ.
 |
