ໜັງສືພິມຫຼຽນເຮີຈາວປ້າວຂອງສິງກະໂປລາຍງານວ່າ ວັນທີ 26 ກຸມພານີ້ ກອງທັບເຮືອອາເມລິກາຢືນຢັນວ່າ ຍົນລາດຕະເວນຕ້ານເຮືອດຳນ້ຳPoseidon P-8A ທີ່ມີຄວາມກ້າວໜ້າທັນສະໄໝທີ່ສຸດຂອງກອງທັບເຮືອອາເມລິກາ ໄດ້ບິນອອກຈາກຟີລິບປິນໃນເມື່ອມໍ່ໆມານີ້ເພື່ອປະຕິບັດໜ້າທີ່ຢູ່ທະເລຈີນໃຕ້. ນີ້ແມ່ນເທື່ອທຳອິດທີ່ອາເມລິກາໄດ້ຢືນຢັນເຖິງການຈັດວາງໃນລັກສະນະນີ້.
ວັນທີ 26 ກຸມພານີ້ ກອງທັບເຮືອອາເມລິກາໄດ້ອອກຖະແຫຼງການວ່າ ເຂົາເຈົ້າໄດ້ແນະນຳໃຫ້ກອງທັບຟີລິບປິນຮັບຮູ້ກ່ຽວກັບບົດບາດຂອງຍົນລາດຕະເວນຕ້ານເຮືອດຳນ້ຳ Poseidon . ທ່ານເປີຣ ຜູ້ບັນຊາການຍົນລາດຕະເວນຂອງກອງສູ້ຮົບທາງອາກາດທີ 4 ຂອງກອງທັບເຮືອອາເມລິກາໄດ້ກ່າວໃນຖະແຫຼງການວ່າ ການທີ່ຮ່ວມກັນຊົມໃຊ້ບົດບາດຂອງຍົນແບບນີ້ກັບພັນທະມິດແມ່ນສາມາດເພີ່ມຄວາມກົມກຽວກັນລະຫວ່າງສອງຝ່າຍ.
ເຈົ້າໜ້າທີ່ທະຫານຟີລິບປິນກ່າວວ່າ ອີງຕາມຫຼັກການທີ່ສົ່ງທະຫານແລະອຸປະກອນຕ່າງໆປະກອບໄປຟີລິບປິນປະຈຳການຢ່າງຕໍ່ເນື່ອງ, ນັບແຕ່ປີ 2012 ເປັນຕົ້ນມາ, ອາເມລິກາໄດ້ສົ່ງຍົນລາດຕະເວນP-3 Orion ທີ່ບໍ່ໄດ້ປະກອບອາວຸດໄປຖານທັບຟີລິບປິນ.