ຄືນວັນທີ 26 ກຸມພານີ້, ກອງນຳໜ້າຂອງກອງພັນນ້ອຍທະຫານລາບຮັກສາສັນຕິພາບກອງທຳອິດຂອງຈີນທີ່ປະກອບດ້ວຍນາຍແລະພົນທະ ຫານຈຳນວນ 144 ຄົນໄດ້ອອກເດີນທາງຈາກນະຄອນຈີນານແຂວງຊ່ານຕຸ່ງຂອງຈີນດ້ວຍເຮືອບິນເຊົ່າເໝົາລຳຂອງສະຫະປະຊາຊາດເດີນ ທາງໄປຊູດັງໃຕ້ເພື່ອປະຕິບັດໜ້າທີ່ຮັກສາສັນຕິພາບ.
ຫຼັງຈາກເດີນທາງໄປເຖິງຊູດັງໃຕ້ແລ້ວ, ກອງນຳໜ້າດັ່ງກ່າວຈະຮ່ວມກັບນາຍແລະພົນທະຫານຈີນຈຳນວນ 36 ຄົນທີ່ຮັບຜິດຊອບວຽກງານການຕິດຕັ້ງອຸປະກອນໄລຍະຕົ້ນນັ້ນປະຕິບັດໜ້າທີ່ຕ່າງໆຢູ່ເຂດປະຈຳການເຊັ່ນລຶ້ງເຄີຍກັບສະພາບຕ່າງໆຂອງທ້ອງຖິ່ນ, ການກໍ່ສ້າງອາຄານຄ້າຍທະຫານ, ການຮັບເອົາອຸປະກອນທີ່ກ່ຽວຂ້ອງແລະປະຕິບັດໜ້າທີ່ອື່ນໆທີ່ກອງກຳລັງພິເສດຂອງອົງການປະສະປະຊາຊາດປະຈຳຊູດັງໃຕ້ໄດ້ມອບໝາຍໃຫ້.
ຕາມຂ່າວໄດ້ໃຫ້ຮູ້ວ່າ ນອກຈາກກອງນຳໜ້າດັ່ງກ່າວແລ້ວ, ທະຫານຮັກສາສັນຕິພາບອີກຈຳນວນ 520 ຄົນຂອງກອງພັນນ້ອຍທະຫານ ລາບຮັກສາສັນຕິພາບຂອງຈີນຈະແບ່ງເປັນຊຸດເດີນທາງດ້ວຍເຮືອບິນໄປເຂດປະຕິບັດໜ້າທີ່ຢູ່ນະຄອນຫຼວງຈູບາຂອງຊູດັງໃຕ້ຕາມແຜນ ການທີ່ໄດ້ກຳນົດໄວ້.