(ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີແຫ່ງ ສປປ ລາວ, ທ່ານກວນຫົວປິນ ເອກອັກຄະລັດຖະທູດຜູ້ມີອຳນາດເຕັມແຫ່ງສປ ຈີນ ປະຈຳສປປ ລາວ ແລະຕົວແທນຈາກລັດຖະບານແລະບັນດານັກທຸລະກິດຈຳນວນຫຼາຍກວ່າ 600 ຄົນເຂົ້າຮ່ວມເຂົ້າຮວມພິທີເປີດວຽງຈັນເຊັນເຕີ)
ວັນທີ28 ມີນາ 2015, ສູນການຄ້າແລະທ່ອງທ່ຽວວຽງຈັນສາກົນຫລື ສູນການ ຄ້າວຽງຈັນເຊັນເຕີໄດ້ເປີດຕົວເປັນຢ່າງຍິ່ງໃຫຍ່, ເຂົ້າຣ່ວມພິທີເປີດ ຕົວຂອງສູນການຄ້າວຽງຈັນເຊັນເຕີໃນຄັ້ງນີ້ມີ ທ່ານສົມສະຫວາດເລັ່ງສະ ຫວັດ ຮອງນາຍົກລັດຖະມົນຕີແຫ່ງ ສປປ ລາວ, ທ່ານກວນຫົວປິນ ເອກອັກຄະລັດຖະທູດຜູ້ມີອຳນາດເຕັມແຫ່ງສປ ຈີນ ປະຈຳສປປ ລາວ ແລະຕົວແທນຈາກລັດຖະບານແລະບັນດານັກທຸລະກິດຈຳນວນຫຼາຍກວ່າ 600 ຄົນເຂົ້າຮ່ວມ.
ສູນການຄ້າວຽງຈັນເຊັນເຕີແມ່ນໂຄງການທີ່ບໍລິສັດລົງທຶນຕ່າງປະເທດແຂວງຢຸນນານຈຳກັດແລະບໍລິສັດກຮິດຕະພົງກຣຸບຈຳກັດ ຮ່ວມກັນລົງທຶນ ກໍ່ສ້າງ, ໄລຍະທຳອິດຂອງໂຄງການນີ້ຈະສະໜອງການຈ້າງງານ ໂດຍກົງໃຫ້ ແກ່ ສປປ ລາວຈຳນວນ 300 ກວ່າຕຳແໜ່ງ,ນຳພາການພັດທະນາ ແລະປັບປຸງຂອງຂະແໜງການທີ່ກ່ຽວຂ້ອງ, ເປັນໝາກຜົນແຫ່ງການໄປມາ ຫາສູ່ກັນ ທີ່ມີໄມຕີຈິດມິດຕະພາບແລະການຮ່ວມມືທີ່ມີຄວາມຈິງໃຈລະ ຫວ່າງສອງປະ ເທດລາວ-ຈີນ
ພາຍຫຼັງພິທີເປີດ, ທ່ານກວນຫົວປິນ ເອກອັກຄະລັດຖະທູດຈີນປະຈຳ ລາວໃຫ້ສຳພາດຕໍ່ນັກຂ່າວ CRI ວ່າ, ສູນກາງຄ້າວຽງຈັນເຊັນເຕີແມ່ນບໍລິ ສັດຂອງສອງປະເທດຈີນ-ລາວຮ່ວມກັນພັດທະນາ ໂດຍພາຍໃຕ້ຄວາມ ເອົາໃຈໃສ່ແລະການສະໜັ ບສະໜູນຂອງລັດຖະບານສອງປະເທດ, ພາຍ ຫຼັງສູນການຄ້າວຽງຈັນເຊັນເຕີສ້າງສຳເລັດແລ້ວ, ຈະມີຜົນດີຊ່ວຍໃຫ້ຍົກລະ ດັບຊີວິດການເປັນຢູ່ຂອງປະຊາຊົນລາວໃຫ້ສູງຂຶ້ນ. ພ້ອມກັນນັ້ນ, ກໍຫວັງຢາກໃຫ້ ການຮ່ວມມືທາງເສດຖະກິດການຄ້າລະຫວ່າງສອງ ປະເທດຈີນ-ລາວຈະໄດ້ ຮັບຜົນສຳເລັດທີ່ໃຫຍ່ກວ່າເກົ່າ.
ສູນການຄ້າວຽງຈັນເຊັນເຕີ ແມ່ນສູນການຄ້າຄົບວົງຈອນອັນດັບໜຶ່ງ ແລະເປັນແຫ່ງທີໜຶ່ງຂອງລາວ,ຈະມອບປະສົບການຈັບຈ່າຍໃຊ້ສອຍສິນຄ້າທີ່ດີທີ່ສຸດໃຫ້ແກ່ປະຊາຊົນລາວ. ເຊິ່ງໄດ້ສຳເລັດໃນການນຳເຂົ້າສິນຄ້າຍີ່ຫໍ້ຊື່ ດັງລະດັບໂລກ, ມາຮອດປັດຈຸບັນ, ພໍ່ຄ້າຈາກລາວ,ສິງກະໂປ, ສ.ເກົາຫຼີ, ຮົງກົງ, ໄທ, ແຜ່ນດິນໃຫຍ່ຈີນ, ອິນໂດເນເຊຍ, ຫວຽດນາມແລະອື່ນໆໄດ້ເຂົ້າມາເປີດຮ້ານຄ້າຢູ່ສູນການຄ້າແຫ່ງນີ້.