ວັນທີ 30 ມີນານີ້ ຢູ່ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງຂອງຈີນ, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານເອັດກາ ລຸນກູ ປະທານາທິບໍດີຊຳບີ.ກ່ອນການພົບປະເຈລະຈາ, ທ່ານສີຈິ້ນຜິງໄດ້ຈັດພິທີຢ່າງສົມກຽດເພື່ອຕ້ອນຮັບທ່ານເອັດກາ ລຸນກູ ພ້ອມພັນລະຍາທີ່ໄດ້ເດີນທາງມາຢ້ຽມຢາມຈີນ.
ຕາມຂ່າວສານຊິນຮວາລາຍງານວ່າ: ວັນທີ 30 ມີນານີ້ ຢູ່ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງຂອງຈີນ, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານເອັດກາ ລຸນກູ ປະທານາທິບໍດີຊຳບີ. ປະມຸກລັດທັງສອງປະເທດໄດ້ລົງເລິກແລກປ່ຽນຄວາມຄິດຄວາມເຫັນກ່ຽວກັບສາຍພົວພັນຈີນ-ຊຳບີ,ສະຖານະການອາຟຣິກກາ, ການຮ່ວມມືຈີນ-ອາຟຣິກກາແລະບັນຫາອື່ນໆ, ເຊິ່ງທ່ານທັງສອງໄດ້ເປັນເອກະສັນກັນຢືນຢັນວ່າ ມິດຕະພາບຈີນ-ຊຳບີເປັນທາງເລືອກແຫ່ງຊາຕາກຳຮ່ວມກັນຂອງສອງຝ່າຍ, ສອງປະເທດຄວນຖະໜຸຖະ ໜອມມິດຕະພາບທີ່ມີມູນເຊື້ອລະຫວ່າງຈີນກັບຊຳບີ, ກຳແໜ້ນທິດທາງລວມມິດຕະພາບຈີນ-ຊຳບີ, ລົງເລິກການຮ່ວມມືຕົວຈິງໃນຂົງເຂດຕ່າງໆລະຫວ່າງສອງປະເທດ, ສ້າງຄວາມສົມບູນພູນສຸກໃຫ້ແກ່ປະຊາຊົນສອງຊາດໃຫ້ດີກວ່າເກົ່າ.
ຫຼັງການພົບປະ, ປະມຸກລັດສອງປະເທດໄດ້ໃຫ້ກຽດຮ່ວມກັນເປັນສັກຂີພິຍານໃນພິທີລົງນາມເອກະສານຮ່ວມມືໃນຂົງເຂດຕ່າງໆເປັນຕົ້ນແມ່ນເສດຖະກິດເຕັກນິກ, ການກໍ່ສ້າງພື້ນຖານໂຄງລ່າງ, ການສື່ສານແລະອື່ນໆ.