ຕາມຂ່າວສານຊິນຮວາ, ວັນທີ 27 ຫາວັນທີ 30 ມີນານີ້, ທ່ານເສິນຈູ ຮອງປະທານສະພາປະຊາຊົນແຫ່ງຊາດຈີນໄດ້ນຳພາຄະນະເດີນທາງໄປເຂົ້າຮ່ວມກອງປະຊຸມສະມັດຊາສະຫະພັນສະພາບັນດາປະເທດຄັ້ງທີ 132 ທີ່ໄດ້ຈັດຂຶ້ນຢູ່ນະຄອນຫຼວງຮ່າໂນ້ຍຂອງຫວຽດນາມ.
ທ່ານເສິນຈູຢືນຢັນວ່າ ສະພາປະຊາຊົນແຫ່ງຊາດຈີນຍິນດີຮ່ວມກັບອົງການນິຕິບັນຍັດຂອງບັນດາປະເທດເພື່ອຮ່ວມກັນສ້າງໂລກທີ່ກົມກຽວປອງດອງກັນ ເຊິ່ງເສດຖະກິດມີການພັດທະນາ, ສັງຄົມມີຄວາມຍຸດຕິທຳແລະເປັນມິດຕໍ່ສິ່ງແວດລ້ອມ.
ໃນລະຫວ່າງດຳເນີນກອງປະຊຸມ, ທ່ານເສິນຈູໄດ້ພົບປະກັບທ່ານ ໂຈດູຣີ ນີຊາຣ ອາລີ ຄານ ປະທານສະຫະພັນສະພາບັນດາປະເທດ ແລະທ່ານມາຕິນ ຊົນກົງ ເລຂາທິການໃຫຍ່ສະຫະພັນສະພາບັນດາປະເທດ, ແລະຍັງໄດ້ພົບປະກັບທ່ານຫງວຽນຊິນຮົງ ປະທານສະພາແຫ່ງຊາດຫວຽດນາມ ແລະຜູ້ແທນຂອງຫຼາຍປະເທດທີ່ໄດ້ເຂົ້າຮ່ວມກອງປະຊຸມຄັ້ງນີ້ເຊັ່ນປາກີສະຖານ, ຣັດເຊຍແລະເວເນຊູແອລາ.
 |
