ເລີ່ມແຕ່ວັນທີ 1 ເມສາໜ້ານີ້ເປັນຕົ້ນໄປ, ມາເລເຊຍຈະປະຕິບັດນະໂຍບາຍອາກອນບໍລິໂພກ. ຫວ່າງມໍ່ໆມານີ້, ຜູ້ບໍລິໂພກຈຳນວນຫຼວງຫຼາຍໄດ້ພາກັນໄປຍາດຊື້ນົມຝຸ່ນສຳລັບເດັກນ້ອຍ, ເຄື່ອງໃຊ້ອະນາໄມ, ເຂົ້າສານ, ກາເຟແລະອື່ນໆ; ແຕ່ນົມຝຸ່ນສຳລັບເດັກນ້ອຍ ແລະ ເຂົ້າສານບໍ່ໄດ້ເກັບອາກອນ, ລາຄາຂອງສິນຄ້າສອງປະເພດດັ່ງກ່າວຈະບໍ່ຖືກຜົນກະທົບຈາກອາກອນບໍລິໂພກ.
ຕາມໜັງສືພິມຊິນໂຈ Chew Daily ຂອງມາເລເຊຍລາຍງານວາ: ສິນຄ້າທີ່ມີ"ອັດຕາປອດພາສີ"ແລະສິນຄ້າທີ່ຖືກເກັບອາກອນຈຳໜ່າຍ 10% ໃນປະຈຸບັນນັ້ນ, ຕົວຢ່າງຄືລາຄາຂອງເຄື່ອງໃຊ້ໄຟຟ້າ, ມັນຈະບໍ່ສູງຂຶ້ນພາຍຫຼັງຈັດຕັ້ງປະຕິບັດອາກອນບໍລິໂພກ, ແຕ່ກົງກັນຂ້າມອາດຈະຫຼຸດລາຄາ. ປະຈຸບັນ, ອາຫານປະເພດກະປ໋ອງຖືກເກັບອາກອນຈຳໜ່າຍ 5%, ພາຍຫຼັງອາກອນບໍລິໂພກໄດ້ທົດແທນເອົາອາກອນຈຳໜ່າຍແລ້ວ, ຈັງຫວະລາຄາເພີ່ມຂຶ້ນກໍ່ຈະຢູ່ໃນລະດັບຕ່ຳ.