ຕອນບ່າຍວັນທີ 29 ມີນານີ້, ການແຂ່ງຂັນຮອບຄັດເລືອກຊີງຂັນອາຊີ U23 ຂອງກຸ່ມ J ໃນການແຂ່ງຂັນຮອບຄັດເລືອກເຕະບານໃນງານກິລາໂອລິມປິກຣີໂອເດີຊາເນໂລໄດ້ດຳເນີນການແຂ່ງຂັນເອົາຊະນະຮອບທີ 2 ຢູ່ທີ່ສະໜາມກິລາແຫ່ງຊາດນະຄອນຫຼວງວຽງຈັນຂອງລາວ, ທີມບານເຕະຊຸດໂອລິມປິກແຫ່ງຊາດຈີນລົງແຂ່ງຂັນກັບທີມສິງກະໂປຊຶ່ງເປັນຄູ່ແຂ່ງຂັນຄັ້ງທີສອງໃນການແຂ່ງຂັນຂອງກຸ່ມນີ້, ທີມບານເຕະໂອລິມປິກແຫ່ງຊາດຈີນສາມາດເອົາຊະນະທີມສິງກະໂປໄປໄດ້ຢ່າງງາມດ້ວຍຄະແນນ 5 ປະຕູຕໍ່ 0, ປະຈຸບັນ, ທີມຊາດຂອງຈີນໄດ້ຮັບໄຊຊະນະ 2 ນັດລວດໃນການແຂ່ງຂັນສອງຮອບ, ມີ 6 ຄະແນນແລະຢູ່ໃນອັນດັບໜຶ່ງຂອງກຸ່ມ J , ຄວາມອາດເປັນໄປໄດ້ໃນການເດີນສາຍພັດທະນາໄປໃນແງ່ດີ.
ອີງຕາມກະຕິກາແລ້ວ, ຖ້າທີມບານເຕະຂອງຈີນໄດ້ເປັນອັນດັບ 1 ໃນກຸ່ມ J , ຫຼືກາຍເປັນອັນດັບທີ 2 , ໃນທີມທີ່ໄດ້ຮັບຄະແນນທີ່ດີທີ່ສຸດຂອງ 5 ທີມໃນຈຳນວນ 10 ກຸ່ມ, ຈະໄດ້ຮັບຄຸນວຸດທິໃນການເຂົ້າຮ່ວມການແຂ່ງຂັນຮອບຊີງຊະນະເລີດ U23 ຂອງສະຫະພັນເຕະບານອາຊີຫຼື AFC ທີ່ຈະຈັດຂຶ້ນໃນເດືອນມັງກອນຂອງປີ 2016, ສ່ວນທີມທີ່ໄດ້ຮັບການຈັດອັນດັບ 3 ແຖວໜ້າຂອງການແຂ່ງຂັນຮອບຊີງຊະນະເລີດດັ່ງກ່າວຈະສາມາດໄປເຂົ້າຮ່ວມໃນງານກິລາໂອລິມປິກຣີໂອເດີຊາເນໂລ.
 |
