ວັນທີ 29 ມີນານີ້, ຢູ່ໃນພິທີອັດກອງປະຊຸມເວທີປຶກສາຫາລືອາຊີໂປອາວປີ 2015, ທ່ານໂຈ່ວເຫວີນຈົ້ງ, ເລຂາທິການໃຫຍ່ເວທີປຶກສາຫາລືອາຊີໂປອາວເຜີຍໃຫ້ຮູ້ວ່າ, ເວທີປຶກສາຫາລືອາຊີໂປອາວໄດ້ເພີ່ມກໍາມະການບໍລິຫານງານ 5 ທ່ານ.
ທ່ານໂຈ່ວເຫວີນຈົ້ງກ່າວວ່າ, ຜ່ານການອະນຸມັດຈາກຄະນະກໍາມະການບໍລິຫານງານ, ພ້ອມທັງປຶກສາຫາລືກັບຄະນະກໍາມະການທີ່ປຶກສາ ແລະຜ່ານການອະນຸມັດຈາກສະມັດຊາໃຫຍ່ສະມາຊິກ, ວາລະດໍາລົງຕໍາແໜ່ງຂອງຄະນະກໍາມະການບໍລິຫານງານຊຸດນີ້ໄດ້ເລື່ອນອອກໄປເຖິງປີ 2018, ປະລິມານຂອງກໍາມະການບໍລິຫານງານ ແລະກໍາມະການທີ່ປຶກສາໄດ້ເພີ່ມຂຶ້ນຮອດ 19 ທ່ານ. ກໍາມະການບໍລິຫານງານທີ່ເພີ່ມໃໝ່ນັ້ນແມ່ນທ່ານຊຸຊີໂລ ບໍາບັງ, ອະດີດປະທານາທິບໍດີອິນໂດເນເຊຍ, ທ່ານແອລິຄ໌ສ ຊີພລີ, ອະດີດປະທານາທິບໍດີນູແວັນເຊລັງ, ທ່ານຊາວກາດ ອາຊີສ, ອະດີດປະທານາທິບໍດີປາກີສະຖານ, ທ່ານສະຖິຣະໄທ ສຸວະກຽດ, ອະດີດຮອງນາຍົກລັດຖະມົນຕີໄທ ແລະທ່ານໝາວຊ່າວເຟີ່ງ, ຮອງເຈົ້າແຂວງຜູ້ປະຈໍາການແຂວງໄຫຫຼໍາຈີນ.
