ຕາມສື່ມວນຊົນສ.ເກົາຫຼີລາຍງານວ່າ, ວັນທີ 30 ມີນານີ້, ທ່ານຢູນ ບູງ-ເຊ, ລັດຖະມົນຕີວ່າການກະຊວງການຕ່າງປະເທດສ.ເກົາຫຼີໄດ້ເຂົ້າຮ່ວມ ແລະກ່າວຄໍາປາໄສໃນພິທີເປີດກອງປະຊຸມຜູ້ຕາງໜ້າອົງການປະຈໍາຕ່າງປະເທດທີ່ຈັດໂດຍກະຊວງການຕ່າງປະເທດສ.ເກົາຫຼີ. ຕໍ່ກັບເລື່ອງທີ່ສ.ເກົາຫຼີໄດ້ຕົກລົງເຂົ້າຮ່ວມທະນາຄານການກໍ່ສ້າງພື້ນຖານໂຄງລ່າງອາຊີ, ທ່ານກ່າວວ່າ, ສ.ເກົາຫຼີຕົກລົງເຂົ້າຮ່ວມທະນາຄານການລົງທຶນພື້ນຖານໂຄງລ່າງອາຊີໃນເວລາທີ່ດີທີ່ສຸດ ໄດ້ຮັບການຍ້ອງຍໍຊົມເຊີຍຈາກຫຼາຍຝ່າຍ.
ໃນເວລາກ່າວຄໍາປາໄສ, ທ່ານຢູນ ບູງ-ເຊກ່າວວ່າ, ພາກພື້ນອາຊີປາຊິຟິກມີບໍລິເວນກວ້າງຂວາງ ເຊິ່ງສາມາດຮັບເອົາປະເທດຈີນທີ່ກໍາລັງເຂັ້ມແຂງຂຶ້ນ ແລະອາເມລິກາທີ່ກໍາລັງປະຕິບັດ"ຍຸດທະສາດເຮັດໃຫ້ອາຊີປາຊິຟິກກໍ້າເກິ່ງກັນຄືນໃໝ່". ເວົ້າສໍາລັບສ.ເກົາຫຼີແລ້ວ, ນີ້ອາດຈະເປັນໂອກາດທີ່ດີ. ລັດຖະບານສ.ເກົາຫຼີໄດ້ເສີມຂະຫຍາຍກໍາລັງການຕ່າງປະເທດຂອງຕົນ ເຊິ່ງໄດ້ຊຸກຍູ້ໃຫ້ຈັດກອງປະຊຸມລັດຖະມົນຕີຕ່າງປະເທດຈີນ, ສ.ເກົາຫຼີແລະຍີ່ປຸ່ນ ແລະໄດ້ຕົກລົງເຂົ້າຮ່ວມທະນາຄານການລົງທຶນພື້ນຖານໂຄງລ່າງອາຊີ. ໃນອະນາຄົດ, ລັດຖະບານສ.ເກົາຫຼີຈະສືບຕໍ່ນໍາໃຊ້ທ່າທີນີ້ເພື່ອແກ້ໄຂຂໍ້ຂັດແຍ້ງດ້ານປະຫວັດສາດລະຫວ່າງສ.ເກົາຫຼີກັບຍີ່ປຸ່ນ ແລະບັນຫາອື່ນໆ.
